തളിപ്പറമ്പ: റമദാനിലൂടെ റയ്യാനിലേക്ക് ‘തന്‍മിയ’ ഇഫ്ത്വാര്‍ സംഗമം തളിപ്പറമ്പ മണ്ഡലം കെ.എന്‍.എം മര്‍കസുദ്ദഅവയുടെ നേതൃത്വത്തില്‍ സംഘടിപ്പിച്ചു. സംസ്‌കരണം വീടുകളില്‍ നിന്ന് തുടങ്ങണമെന്നും എന്നാല്‍ മാത്രമെ നല്ല സമൂഹത്തെ സൃഷ്ടിക്കാനാകുമെന്നും സംഗമം അഭിപ്രായപ്പെട്ടു.
സമാധാനവും സൗഹാര്‍ദ്ദവും കാത്തു സൂക്ഷിക്കണമെന്നും ലോക്‌സഭാ തെരഞ്ഞെടുപ്പില്‍ ജനാധിപത്യ ഇന്ത്യയെ വീണ്ടെടുക്കാനുള്ള പരിശ്രമത്തില്‍ ഏര്‍പ്പെടണമെന്നും സംഗമം ആഹ്വാനം ചെയ്തു.
സംസ്ഥാന സെക്രട്ടറി ഡോ.ഇസ്മയില്‍ കരിയാട് ഉദ്ഘാടനം ചെയ്തു.എ.ജി.എം (മുസ്ലിം ഗേള്‍സ് ആന്റ് വുമന്‍സ് മൂവ് മെന്റ് ) സംസ്ഥാന ജനറല്‍ സെക്രട്ടറി സി.ടി ആയിഷ റമളാന്‍ സന്ദേശം നല്‍കി. അന്താരാഷ്ട്ര ഖുര്‍ആന്‍ പഠന പദ്ധതിയായ വെളിച്ചത്തിന്റെ 18-ാം മത് പാഠ്യപുസ്തകത്തിന്റെ വിതരണോദ്ഘാടനവും കഴിഞ്ഞ വര്‍ഷം വിജയികളായവരുടെ സര്‍ട്ടിഫിക്കറ്റ് വിതരണവും നടന്നു.
കെ.എന്‍.എം മര്‍കസുദ്ദഅവ തളിപ്പറമ്പ മണ്ഡലം പ്രസിഡന്റ് സി.കെ മുഹമ്മദ് അദ്ധ്യക്ഷത വഹിച്ചു. ജില്ലാ വൈസ് പ്രസിഡന്റ് വി.വി മഹമൂദ്, വി.സുലൈമാന്‍, കെ.ഇബ്രാഹിം പ്രസംഗിച്ചു.
