പാലത്ത്: ഹിമായത്തുദ്ദീൻ സംഘത്തിൻ്റെ (പി.എച്ച്.എസ് ) അറുപതാം വാർഷികത്തോടനുബന്ധിച്ച് പി.എച്ച്.എസ് ഗ്രൗണ്ടിൽ നടന്ന സൗഹൃദ സംഗമം ജില്ലാപഞ്ചായത്ത് പ്രതിപക്ഷ നേതാവ് ഐ.പി. രാജേഷ് ഉദ്ഘാടനം ചെയ്തു. പ്രദേശത്തെ മത സാമൂഹിക സാംസ്കാരിക രംഗങ്ങളിൽ പ്രവർത്തിക്കുന്ന വ്യക്തികളെ പങ്കെടുപ്പിച്ചു കൊണ്ട് നടന്ന പരിപാടിയിൽ പി.എച്ച്.എസ് പ്രസിഡൻ്റ് ഇബ്രാഹിം പുത്തൻ പുരയിൽ അദ്ധ്യക്ഷത വഹിച്ചു.
ചേളന്നൂർ ഗ്രാമപഞ്ചായത്ത് അംഗങ്ങളായ ശ്രീകല ചുഴലിപ്പുറത്ത്, വി. എം. ചന്തുകുട്ടി മാസ്റ്റർ, ദിനേശൻ പാലമുറ്റത്ത്, വി. പി ഉണ്ണിമാധവൻ, കെ ബാപ്പുക്കുട്ടി, നവീന വായന ശാല സെക്രട്ടറി വി. പി. പ്രേമനന്ദൻ , വായന ശാല വനിതാ വേദി പ്രസിഡണ്ട്‌ ചന്ദ്രമതി ദിവാകരൻ, മഹല്ല് കോഡിനേഷൻ പ്രസിഡണ്ട്‌ അബ്ദുറഹ്മാൻ എടച്ചേരി, പി. പി. അബ്ദുറഹ്മാൻ മദനി പാലത്ത്, വ്യാപാരി വ്യവസായി ഏകോപന സമിതി പ്രസിഡന്റ് കെ. ജെ. രാജേന്ദ്രൻ, മേൽകടകം വള്ളി ക്ഷേത്രം സെക്രട്ടറി നിഷാന്ത് വി. കെ, കെ അശോകൻ തുടങ്ങിയവർ സംസാരിച്ചു. ഇ കെ. മുർഷിദ് സൗഹൃദ സന്ദേശം അവതരിപ്പിച്ചു. പി.എച്ച്.എസ് സെക്രട്ടറി കെ കെ. അഹ്‌മദ്‌ കോയ സ്വാഗതവും, എം. സലീം നന്ദിയും പറഞ്ഞു.
