നരിക്കുനി: ചെമ്പക്കുന്ന് മലബാർ എഡ്യുസിറ്റിയിൽ മാസ് അക്കാഡമിയുടെ ഉദ്ഘാടനം ഡോ. ഹുസൈൻ മടവൂർ നിർവ്വഹിച്ചു. മത്സര പരീക്ഷകളിൽ കുട്ടികളെ സജ്ജമാക്കുക, വിവിധ ഭാഷ നൈപുണികൾ വളർത്തിയെടുക്കുക എന്നിലക്ഷ്യങ്ങളോടൊപ്പം വിശുദ്ധ ഖുർആൻ മനപ്പാഠമാക്കാൻ കൂടി കഴിയുന്ന രൂപത്തിലാണ് മാസ് അക്കാഡമിയുടെ ക്രമീകരണം.
4ാം ക്ലാസ് കഴിഞ്ഞ വിദ്യാർത്ഥികൾക്ക് ഹോസ്റ്റൽ സൗകര്യത്തോടെ മാസ് അക്കാഡമിയിൽ പഠിക്കാവുന്നതാണ്. കെ. പി. ഹാരിസ് അദ്ധ്യക്ഷത വഹിച്ചു. ഫറോഖ് കോളജ് അക്കാദമിക് ഹെഡ് കെ.പി. ആഷിഫ് മുഖ്യപ്രഭാഷണം നടത്തി.
മാസ് ലോഗോ പ്രകാശനം കാക്കൂർ ഗ്രാമ പഞ്ചായത്ത് പ്രസിഡന്റ് സി.എം. ഷാജി നിർവ്വഹിച്ചു. ബ്രോഷർ പ്രകാശനം നരിക്കുനി ഗ്രാമ പഞ്ചായത്ത് പ്രസിഡന്റ് ജൗഹർ പൂമംഗലം നിർവ്വഹിച്ചു. എൻ. പി. അബ്ദുൽ ഗഫൂർ ഫാറൂഖി, വി.പി. അബ്ദുൽ ഖാദർ മാസ്റ്റർ, ടി.പി. ഇസ്മായിൽ എന്നിവർ സംസാരിച്ചു.
