കട്ടപ്പന: ഭാര്യവീട്ടിലെത്തിയ യുവാവിനെ അയല്‍വാസി വെട്ടിക്കൊലപ്പെടുത്തി. കോടാലി ഉപയോഗിച്ചാണ് കൊലപാതകം നടത്തിയത്. കട്ടപ്പന സുവര്‍ണഗിരിയില്‍ ഇന്ന് വൈകിട്ടായിരുന്നു ക്രൂരകൃത്യം നടന്നത്. കാഞ്ചിയാര്‍ കക്കാട്ടുകട സ്വദേശി കളപ്പുരയ്ക്കല്‍ സുബിന്‍ ഫ്രാന്‍സിസ് (35) ആണ് അയല്‍വാസിയുടെ ക്രൂരതക്കിയരയായത്.
സംഭവവുമായി ബന്ധപ്പെട്ട് അയല്‍വാസി സുവര്‍ണഗിരി വെണ്‍മാന്ത്ര ബാബുവിനെ പൊലീസ് കസ്റ്റഡിയിലെടുത്തു. അക്രമാസക്തനായി പെരുമാറുന്ന ബാബുവിനെതിരെ നിരവധി പരാതികള്‍ നേരത്തെയും പൊലീസിന് ലഭിച്ചിട്ടുണ്ടായിരുന്നു. സംഘര്‍ഷത്തിനിടയാക്കിയ കാരണം വ്യക്തമല്ല.
