മേപ്പാടി: വ്യക്തിസ്വാതന്ത്ര്യത്തിന് നിയന്ത്രങ്ങൾ കൽപ്പിക്കുന്ന മതങ്ങൾ മനുഷ്യ വിരുദ്ധമാണന്നും മതങ്ങളുടെ സൃഷ്ടിയായ കുടുംബസങ്കല്പം ആധുനിക ലോകത്ത് അപ്രസക്തമാണന്ന് പ്രചരിപ്പിച്ചു കൊണ്ട് കുടുംബ സംവിധാനങ്ങളെ തകർക്കാൻ യുവജനങ്ങൾക്കിടയിൽ ബോധപൂർവ്വം ശ്രമം നടക്കുന്നുണ്ടെന്നും സാമൂഹ്യ ഭദ്രതയ്ക്ക് ഭീഷണിയാകുന്ന നീക്കങ്ങളെ ചെറുത്തുതോൽപ്പിക്കണമെന്നും ഡോ. ജമാലുദ്ദീൻ ഫാറൂഖി അഭിപ്രായപ്പെട്ടു.
![](https://nattuvarthamanam.com/wp-content/uploads/2024/07/MEET6-1020x457.jpg)
![](https://nattuvarthamanam.com/wp-content/uploads/2024/07/MEET2.jpg)
ഭരണപക്ഷ കലാസാംസ്കാരിക സംഘങ്ങളും വിദ്യാർത്ഥി പ്രസ്ഥാനങ്ങളും അതിൽ നിർണായക പങ്കുവഹിക്കുന്നുണ്ടെന്നും അദ്ദേഹം കൂട്ടിച്ചേർത്തു. കെ എൻ എം മർക്കസുദ്ദവ സംഘടിപ്പിച്ച കാലം തേടുന്ന ഇസ്ലാഹ് എന്ന കാമ്പയിന്റെ ഭാഗമായി നടത്തിയ മവദ്ദ ഫാമിലി മീറ്റ് ഉദ്ഘാടനം ചെയ്യുകയായിരുന്നു അദ്ദേഹം.
![](https://nattuvarthamanam.com/wp-content/uploads/2024/07/MEET3.jpg)
![](https://nattuvarthamanam.com/wp-content/uploads/2024/07/MEET4.jpg)
![](https://nattuvarthamanam.com/wp-content/uploads/2024/07/MEET5.jpg)
കെ എൻ എം ജില്ലാ പ്രസിഡണ്ട് എസ് അബ്ദുസ്സലീം മേപ്പാടി അധ്യക്ഷനായിരുന്നു. നീറ്റ് പരീക്ഷയിൽ ഉന്നത റാങ്ക് നേടിയ ലിയ ഷെറിനെ ആദരിക്കുകയും ചെയ്തു. സംസ്ഥാന ഉപാധ്യക്ഷൻ സൈതലവി എൻജിനീയർ, ഡോ. ഇസ്മായിൽ കരിയാട് , ഫൈസൽ നന്മണ്ട , അമീർ അൻസാരി, അബ്ദുൽ ഹക്കീം അമ്പലവയൽ , മൊയ്തീൻകുട്ടി മദനി , അബ്ദുല്ലത്തീഫ് മില്ലുമുക്ക്, അബ്ദുസ്സലാം മുട്ടിൽ എന്നിവർ പ്രസംഗിച്ചു.