തിരുവനന്തപുരം: ഗ്രന്ഥശാല പ്രസ്ഥാനത്തിൻ്റെ മഹനീയ നേതാക്കളായ P.N.പണിക്കരുടെ ചരമദിനമായ ജൂൺ 19 ന് ആരംഭിച്ച് ഐ.വി.ദാസിൻ്റെ ജന്മദിനമായ ജൂലൈ 7 ന് അവസാനിക്കുന്ന രീതിയിൽ സംഘടിപ്പിച്ചിട്ടുള്ള വായന പക്ഷാചരണത്തിൻ്റെ ഭാഗമായി യുവജന സമാജം ജവഹർ റീഡിംഗ് റൂം & ലൈബ്രറിയുടെ നേതൃത്വത്തിൽ അമരവിള പുല്ലാമല PM GVHSS ൽ വച്ച് ലഹരി വിരുദ്ധ ബോധവൽക്കരണ സദസ് നടത്തി.
PG MVHSS ഹെഡ്‌മിസ്ട്രസ് ജി.എൽ.ലതിക കുമാരിയുടെ അദ്ധ്യക്ഷതയിൽ
ജില്ലാ ലൈബ്രറി കൗൺസിൽ എക്സി. അംഗം ജി.ശശി ചടങ്ങിന്റെ ഉദ്ഘാടനം നിർവ്വഹിച്ചു.
അമരവിള റേഞ്ച് ഓഫീസിലെ സിവിൽ എക്സൈസ് ഓഫീസർ ലാൽകൃഷ്ണ ലഹരി വിരുദ്ധ പ്രവർത്തനങ്ങളിൽ വിദ്യാർത്ഥികൾ വഹിക്കേണ്ട സുപ്രധാന പങ്കിനെ കുറിച്ചും ലഹരിയുടെ മായികലോകത്തെ പൊരുതി തോൽപ്പിക്കുന്നതിനു മുള്ള ബോധവൽക്കരണ ക്ലാസ്സും നൽകി. ലൈബ്രറി എക്സിക്യുട്ടിവ് മെമ്പർ പ്രേമചന്ദ്രൻ നന്ദി പ്രകാശിപ്പിച്ചു.
