കല്പകഞ്ചേരി: കുറുമ്പത്തൂർ ചേരുരാൽ ഹയർ സെക്കൻ്ററി സ്ക്കൂൾ സ്റ്റുഡൻ്റ്സ് പോലീസ് കേഡറ്റുകളുടെ പാസ്സിംഗ് ഔട്ട് പരേഡ് നടത്തി. കല്പകഞ്ചേരി പോലീസ് സബ് ഇൻസ്‌പെക്ടർ വി. ദാസൻ പരേഡ് പരിശോധിച്ച് സല്യൂട്ട് സ്വീകരിച്ചു. പോലീസ് ഓഫീസർ കെ.വി. ബീന പ്രതിജ്ഞ ചൊല്ലിക്കൊടുത്തു.
രണ്ടു വർഷത്തെ ചിട്ടയായ എസ് പി സി പരിശീലനം പൂർത്തിയാക്കിയ സൂപ്പർ സീനിയർ കേഡറ്റുകളുടെ സെറിമോണിയൽ പരേഡിന് നേതൃത്വം നൽകിയ പരേഡ് കമാൻഡർ എം.കെ. റിൻഷ, സെക്കൻഡിംഗ് കമാൻഡറായ എൻ. ഫാത്തിമ സുനൈന, ഒന്നാം നമ്പർ പ്ലാറ്റൂണിനെ നയിച്ച എം.സുമി , രണ്ടാം നമ്പർ പ്ലാറ്റൂണിനെ നയിച്ച ഇ.എൻ. അഷ്മിൽ ഷാഹിദ് എന്നിവർ പുരസ്കാരങ്ങൾക്ക് അർഹരായി.
വിവിധ മത്സരങ്ങളിൽ ഉന്നത വിജയം നേടിയവരെ ചടങ്ങിൽ ആദരിച്ചു. പ്രിൻസിപ്പൽ ടി നിഷാദ്, പ്രധാന അധ്യാപകൻ പി.സി. അബ്ദു റസാക്ക്,മാനേജർ പ്രതിനിധി ഷാനവാസ് മയ്യേരി ,പി.ടി.എ വൈസ് പ്രസിഡന്റ് ജലീൽ കല്ലിങ്ങൽ, ഉപ പ്രധാനാധ്യാപിക കെ ശാന്തകുമാരി, സ്റ്റാഫ് സെക്രട്ടറി കെ.ടി. ജാഫർ എസ് പി സി ഗാർഡിയൻ പ്രസിഡന്റ് പി. സലീന വൈസ് പ്രസിഡന്റ് സി. അജീഷ് കമ്മ്യൂണിറ്റി പോലീസ് ഓഫീസർ എ.എൻ. ജമീർ എ എൻ എന്നിവർ പ്രസംഗിച്ചു.
