കോഴിക്കോട്: പ്രമുഖ പരിസ്ഥിതി പ്രവർത്തകൻ പ്രൊഫ. ശോഭീന്ദ്രൻ്റെ ഒന്നാം ചരമവാർഷിക ദിനമായ ഒക്ടോബർ 12 ശനിയാഴ്ച താമരശ്ശേരി ചുരത്തിൽ പ്രതീകാത്മക മഴയാത്ര സംഘടിപ്പിക്കും. വിവിധപരിസ്ഥിതിസംഘടന പ്രതിനിധികളും അടിവാരം ചുരം സംരക്ഷണ സമിതി, ദർശനം സാംസ്കാരികവേദി, കേരള എഡ്യൂക്കേഷൻ കൗൺസിൽ മോണ്ടിസ്സോറി ടിടിസി വിദ്യാർത്ഥിനികളും അണിനിരക്കും.
എനർജി മാനേജ്മെൻ്റ് സെൻറർ, സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിൽ, കേരള എഡ്യൂക്കേഷൻ കൗൺസിൽ തുടങ്ങിയവരുടെ പിന്തുണയോടെയാണ് മഴയാത്ര. ലക്കിഡി ഓറിയൻ്റൽ ഹോട്ടൽ മാനേജ്മൻ്റ് ഗേറ്റിൽ നിന്ന് രാവിലെ 11 മണിക്ക് ആരംഭിച്ച് ഒമ്പതാം വളവിൽ അവസാനിക്കുമെന്ന് ദർശനം സാംസ്കാരിക വേദി സെക്രട്ടറി എം. എ. ജോൺസൺ അറിയിച്ചു. ഫോൺ: 9745030398.
