ഹാലോവീൻ ദിനത്തിൽ ‘അന്തിമ ക്ഷണഗളു’ എന്ന കന്നഡ ഹൊറർ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറക്കി. നിർമൽ ബേബി വർഗീസ് സംവിധാനം ചെയ്ത് 2022 ൽ പുറത്തിറങ്ങിയ മലയാളത്തിലെ ആദ്യത്തെ ഫൗണ്ട് ഫുട്ടേജ് സിനിമയായ ‘വഴിയെ’യുടെ കന്നഡ പതിപ്പാണ് ‘അന്തിമ ക്ഷണഗളു’. ഒരു നിഗൂഢ സ്ഥലത്തെക്കുറിച്ച് ഒരു വീഡിയോ ചിത്രീകരിക്കാൻ തീരുമാനിക്കുന്ന രണ്ട് യൂട്യൂബ് വ്ലോഗർമാരുടെ കഥയാണ് ഈ ഹൊറർ സിനിമയുടെ പ്രമേയം.
വിവിഡ് ഫ്രെയിംസിന്റെ സഹകരണത്തോടെ കാസബ്ലാങ്ക ഫിലിം ഫാക്ടറിയുടെ ബാനറിൽ ബേബി ചൈതന്യയാണ് ചിത്രത്തിന്റെ നിർമ്മാണം. ജെഫിൻ ജോസഫ്, അശ്വതി അനിൽ കുമാർ, വരുൺ രവീന്ദ്രൻ, ശാലിനി ബേബി, ശ്യാം സലാഷ്, സാനിയ പൗലോസ് എന്നിവരാണ് ചിത്രത്തിലെ പ്രധാന താരങ്ങൾ. പ്രശസ്ത ഹോളിവുഡ് സംഗീത സംവിധായകൻ ഇവാൻ ഇവാൻസാണ് ഈ ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്.
ജെഫിൻ ജോസഫാണ് എക്സിക്യൂട്ടീവ് പ്രൊഡ്യൂസർ. മിഥുൻ എരവിലാണ് സിനിമയുടെ ക്യാമറ കൈകാര്യം ചെയ്തിരിക്കുന്നത്. സെക്കൻഡ് യൂണിറ്റ് ക്യാമറ: ഷോബിൻ ഫ്രാൻസിസ്, ഘനശ്യാം, നിർമൽ ബേബി വർഗീസ്. ചിത്രം ഉടൻ തന്നെ പ്രധാന ഒ. ടി. ടി. പ്ലാറ്റ്‌ഫോമുകളിൽ സ്ട്രീമിങ് തുടങ്ങും.
എഡിറ്റിംഗ്, സൗണ്ട് ഡിസൈൻ: നിർമൽ ബേബി വർഗീസ്, ലൊക്കേഷൻ മാനേജേഴ്സ്: സുധീഷ് എം., നിബിൻ സ്റ്റാനി. പ്രൊജക്റ്റ് ഡിസൈനർ: അരുൺ കുമാർ പനയാൽ, ജീസ് ജോസഫ്. ക്രീയേറ്റീവ് ഹെഡ്‍: അഭിലാഷ് കരുണാകരൻ. ട്രാന്‍സ്‌ലേഷന്‍: ശ്രീജു. സബ്‌ടൈറ്റില്‍സ്: നന്ദലാൽ ആർ, കോസ്റ്റ്യൂം ഡിസൈനർ: രോഹിണി സജി.
