പെരിക്കല്ലൂർ: ഗവൺമെൻ്റ് ഹയർ സെക്കണ്ടറി സ്കൂളിൽ ശിശുദിനം ആഘോഷിച്ചു. പ്രീ പ്രൈമറി, എൽ.പി, യു.പി വിഭാഗത്തിലെ കുട്ടികളെ ഉൾപ്പെടുത്തിയാണ് ശിശുദിനാഘോഷ പരിപാടികൾ സംഘടിപ്പിച്ചത്. ഇൻക്ലൂസീവ് സ്പോർട്ട്സിൽ സംസ്ഥാന തല മത്സരത്തിൽ പങ്കെടുത്ത് മികച്ച വിജയം കൈവരിച്ച ദിയ മരിയ ബിനോജ്, അഭിഷേക് കുമാർ പി.ബി എന്നീ വിദ്യാർത്ഥികളെ ആദരിച്ചു.
ഉപജില്ലാ കലോത്സവത്തിൽ നാടൻപാട്ട് മത്സരത്തിൽ ഒന്നാം സ്ഥാനം നേടിയ കുട്ടികൾക്കും പ്രീ പ്രൈമറി സ്കൂൾ തല മത്സരത്തിൽ വിജയിച്ച കുട്ടികൾക്കുമുള്ള സമ്മാനങ്ങൾ വിതരണം ചെയ്തു. എക്സൈസ് ഡിപ്പാർട്ട്മെൻ്റ് ഓഫീസർ മാനുവൽ ജിൻസൺ ലഹരി വിരുദ്ധ പ്രതിജ്ഞ കുട്ടികൾക്ക് ചൊല്ലിക്കൊടുത്തു.
ശിശുദിനാഘോഷങ്ങളുടെ ഉദ്ഘാടനം പ്രിൻസിപ്പാൾ പി.കെ. വിനുരാജൻ നിർവ്വഹിച്ചു. പി.ടി.എ. പ്രസിഡൻ്റ് ഗിരീഷ് കുമാർ ജി.ജി. അധ്യക്ഷത വഹിച്ചു. പ്രധാനാധ്യാപകൻ ഷാജി പുൽപ്പള്ളി, സീനിയർ അസിസ്റ്റൻ്റ് ഷാജി മാത്യു, എം.പി.ടി.എ. പ്രസിഡൻ്റ് ഗ്രേസി റെജി, ഷീബ സി, രതീഷ് സി.വി, ജിനുമോൾ പി.ജെ, നീതു വി. പ്രതാപൻ, സിൽജ വർഗീസ്, രാജലക്ഷ്മി കെ.കെ എന്നിവർ ആശംസ അർപ്പിച്ച് സംസാരിച്ചു.
