കേരളം ലെനോവോ ഇന്ത്യയുടെ വളർച്ചയിൽ മികച്ച പങ്കു വഹിക്കുന്ന വിപണി
കോട്ടയം: സാങ്കേതിക മേഖലയിലെ ആഗോള പ്രമുഖരായ ലെനോവോ തങ്ങളുടെ ഇന്ത്യ സാന്നിധ്യം വിപുലീകരിക്കുന്നതിന്റെ ഭാഗമായി കോട്ടയത്ത് പുതിയ സ്റ്റോർ തുറന്നു. കോട്ടയത്തിന്റെ ഹൃദയഭാഗത്ത് പ്രവർത്തനം ആരംഭിച്ച പുതിയ സ്റ്റോറിൽ ലെനോവോയുടെ ഉൽപ്പന്നങ്ങളുടെ മികച്ച ശേഖരമാണ് ഒരുക്കിയിട്ടുള്ളത്. കേരളത്തിലെ ഇരുപത്തി രണ്ടാമത്തേയും, ദക്ഷണേന്ത്യയിലെ നൂറ്റി ഇരുപത്തി ഒന്നാമത്തെയും ലെനോവോ സ്റ്റോറാണ് കോട്ടയത്ത് പ്രവർത്തനം തുടങ്ങിയത്. തദ്ദേശീയ തലത്തിലുള്ള വളർച്ചയ്ക്ക് മുൻ‌തൂക്കം നൽകിയുള്ള പ്രവർത്തനങ്ങൾക്ക് പ്രാധാന്യം നൽകി സജ്ജീകരിച്ചിട്ടുള്ള പുതിയ ലെനോവോ എക്സ്ക്ലൂസീവ് സ്റ്റോറിൽ ഐ ടി പ്രൊഫഷനലുകളുടെയും, സാങ്കേതിക തല്പരരുടെയും ആവശ്യങ്ങൾ നിറവേറ്റുന്ന വിധത്തിലാണ് ഉൽപ്പന്നങ്ങൾ ലഭ്യമാക്കുന്നത്.
“കേരളത്തിൽ ഞങ്ങളുടെ റീട്ടെയിൽ സാന്നിധ്യം വിപുലീകരിക്കാൻ കഴിഞ്ഞത്തിൽ ഏറെ ആഹ്ളാദമുണ്ട്. ഇന്ത്യയുടെ എല്ലാ മേഖലകളിലേക്കും എ ഐ, സ്മാർട്ട് ടെക്‌നോളജി എന്നിവ എത്തിക്കാനുള്ള ഞങ്ങളുടെ പ്രതിബദ്ധതയുടെ ഭാഗമാണ് കോട്ടയത്ത് പുതുതായി ആരംഭിച്ച ലെനോവോ എക്സ്ക്ലൂസീവ് സ്റ്റോർ. ലെനോവോയെ സംബന്ധിച്ചടത്തോളം ത്വരിത ഗതിയിൽ വളർച്ച നേടുന്ന വിപണിയാണ് ഇന്ത്യ. രാജ്യത്തെ ഉപഭോക്താക്കൾക്ക് ഗുണകരമായ വിധത്തിലുള്ള വിപണി തന്ത്രങ്ങൾ ലെനോവോയുടെ വളർച്ചയെ സ്വാധീനിക്കുന്ന ഘടകങ്ങളാണ്. ദക്ഷിണേന്ത്യയിലെ ഉപഭോക്താക്കൾക്ക് ആവശ്യമായ ഉൽപ്പനങ്ങൾ എത്തിക്കുന്ന വിധത്തിലുള്ള വികസന പ്രക്രിയയ്ക്ക് കൂടുതൽ സ്റ്റോറുകൾ തുറക്കുക, പങ്കാളികളുടെ ശൃംഖല വികസിപ്പിക്കുക എന്നീ പ്രവർത്തങ്ങൾ ഞങ്ങൾ തുടരും,” ലെനോവോ ഇന്ത്യ മാനേജിങ് ഡയറക്ടർ ശൈലേന്ദ്ര കട്യാൽ, പറഞ്ഞു.
ഏറ്റവും പുതിയ എ ഐ-അധിഷ്ഠിത സാങ്കേതിക വിദ്യ ഉൾപ്പടുന്ന ലെനോവോ ലാപ്‌ടോപ്പുകൾ, ടാബ്‌ലെറ്റുകൾ, ഡെസ്‌ക്‌ടോപ്പുകൾ, മോണിറ്ററുകൾ, മറ്റ് ആക്‌സസറികൾ, എന്നിവ അടങ്ങുന്ന ആകർഷകമായ റീട്ടെയിൽ അനുഭവം നൽകുന്ന വിധത്തിലാണ് പുതിയ എക്സ്ക്ലൂസീവ് സ്റ്റോർ രൂപകൽപ്പന ചെയ്‌തിരിക്കുന്നത്. ജോലി, പഠനം, ഗൃഹാന്തരീക്ഷം തുടങ്ങിയവയൊക്കെ ഹൈപ്പർ-വ്യക്തിഗതമായും ക്ഷമതയോടെയും സാധ്യമാക്കാൻ ലെനോവോയുടെ ഉൽപ്പന്നങ്ങൾ കൊണ്ട് സാധ്യമാകും.
കേരളത്തിലെ സെയിൽസ് ടീമിൻ്റെ ശക്തമായ ശൃംഖലയുടെ സഹായത്തോടെ മികച്ച റീട്ടെയിൽ അനുഭവം പ്രദാനം ചെയ്യാൻ ലെനോവോ പ്രതിജ്ഞാബദ്ധമാണ്. ലെനോവോയുടെ വിപണി സാധ്യത കൂടുതൽ ശക്തിപ്പെടുത്തിക്കൊണ്ട് വിപുലമായ വിതരണ ശൃംഖലയിലൂടെ ടീം അംഗങ്ങൾ ചെറിയ റീട്ടെയിൽ പങ്കാളികളുമായി ഇടപഴകുന്നു. ലെനോവോ ഇപ്പോൾ കേരളത്തിനകത്ത് എക്സ്പ്രസ് ഡെലിവറിയും വാഗ്ദാനം ചെയ്യുന്നുണ്ട്, ഡെലിവറി സമയം നാല് മണിക്കൂർ മാത്രമാണ്. നിലവിൽ, കേരളത്തിൽ 33 സേവന കേന്ദ്രങ്ങളും ഇന്ത്യയിലുടനീളം 366 ലധികം സേവന കേന്ദ്രങ്ങളും ലെനോവോയ്ക്കുണ്ട്.
