മഞ്ചേരി : വിദ്യാഭ്യാസ രംഗത്ത് കാലോചിതമായ മാറ്റം അനിവാര്യമാണെന്നതിന്റെ അവസാനത്തെ ഉദാഹരണമാണ് ഹയർ സെക്കന്ററി ക്ലാസുകളിലെ ചോദ്യപേപ്പർ ചോർച്ച എന്ന് മലപ്പുറം ഈസ്റ്റ് ജില്ല ഐ ജി എം സംഗമം അഭിപ്രായപ്പെട്ടു.
എ പ്ലസുകൾ വാരി കൂട്ടുന്നതാണ് വിദ്യാഭ്യാസമെന്ന് തെറ്റി ധരിപ്പിക്കപ്പെട്ട വിദ്യാർത്ഥി സമൂഹമാണ് നിലവിൽ കേരളത്തിലുള്ളത്. ആ നേട്ടം കൈവരിക്കാൻ എന്ത് അധാർമികതയെയും സ്വീകരിക്കാം എന്ന ചിന്തയാണ് ചോദ്യപേപ്പർ ചോർച്ച ഉൾപ്പെടെയുള്ള ക്രമക്കേടുകളിലേക്ക് ആളുകളെ നയിക്കുന്നത്. വിദ്യാർത്ഥിയെ മൂല്യമുള്ള മനുഷ്യനായി രൂപപ്പെടുത്താൻ പാകത്തിനുള്ള സിലബസുകളാണ് കാലം ആവശ്യപ്പെടുന്നത് എന്നും ഐ ജി എം മലപ്പുറം ഈസ്റ്റ് ജില്ലാ കൗൺസിൽ അഭിപ്രായപ്പെട്ടു.
ഐ എസ് എം ജില്ലാ സെക്രട്ടറി മുസ്ഫർ മമ്പാട് കൗൺസിൽ മീറ്റ് ഉദ്ഘാടനം ചെയ്തു. സാജിദ് റഹ്മാൻ ഫാറൂഖി, ഫഹീം പുളിക്കൽ എന്നിവർ വിവിധ സെഷനുകൾക്ക് നേതൃത്വം നൽകി. വി.ടി ഹംസ , സി-സനിയ അൻവാരിയ്യ, കെ അഫീഫ, ഫസ്ന കരുളായി, അസ്ന നാസർ , ഹനീന പുളിക്കൽ,ഷഫ്ന വണ്ടൂർ എന്നിവർ സംസാരിച്ചു.