കോട്ടയം: സ്കൂട്ടര് അപകടത്തിൽ പരുക്കേറ്റ് ചികിത്സയിലായിരുന്ന വീട്ടമ്മ മരിച്ചു. കുരിശുംമൂട് മഠത്തിച്ചിറ ടി.എം. ആന്റണിയുടെ ഭാര്യ ബ്രീന വർഗീസ് (45) ആണ് മരിച്ചത്. ശനിയാഴ്ച സ്‌കൂട്ടറിൽ പള്ളിയിലേക്ക് പോകുന്നതിനിടെ കൂരിശൂമൂടിനു സമീപം നിയന്ത്രണം വിട്ട വാൻ സ്കൂട്ടറില്‍ ഇടിക്കുകയായിരുന്നു.
അപകടത്തിൽ ബ്രീനയുടെ മുകളിലേക്കാണ് വാൻ മറിഞ്ഞു വീണത്. നാട്ടുകാരും പൊലീസും ചേർന്ന് വാൻ ഉയർത്തിയാണ് ബ്രീനയെ പുറത്തെടുത്തത്. സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. ചങ്ങനാശേയിൽ ആധാരം എഴുത്ത് ഓഫിസിലെ ജീവനക്കാരിയായിരുന്നു. മക്കൾ: അഡോൺ ആന്റണി, ആഗ്നസ് ആന്റണി.
