കോഴിക്കോട്: തൊഴില്‍ തേടുന്ന യുവത്വം നേരിടുന്ന വെല്ലുവിളികള്‍ എന്ന വിഷയത്തില്‍ ദര്‍ശനം ഗ്രന്ഥശാലയുടെ താലൂക്ക് കരിയര്‍ ഗൈഡന്‍സ് സെന്റര് പ്രഭാഷണം സംഘടിപ്പിച്ചു. കേരള പബ്‌ളിക് സര്‍വ്വീസ് കമ്മീഷന്‍ അംഗം അഡ്വ. റോഷന്‍ റോയ് മാത്യുവിന്റെ പ്രഭാഷണത്തിന്റെ ഉദ്ഘാടനം താലൂക്ക് ലൈബ്രറി കൗണ്‍സില്‍ സെക്രട്ടറി വി സുരേഷ് ബാബു നിര്‍വ്വഹിച്ചു. ഗ്രന്ഥശാല വൈസ് പ്രസിഡന്റ് സി പി ആയിഷബി അധ്യക്ഷയായി. ഉദ്യോഗാര്‍ത്ഥികളുടെ സംശയങ്ങള്‍ക്ക് പി എസ് സി അംഗം ഡോ. എസ് ശ്രീകുമാറും റോഷന്‍ റോയ് മാത്യുവും മറുപടി നല്കി. കരിയര്‍ ഗൈഡന്‍സ് സെന്റര് കണ്‍വീനര്‍ പി ദീപേഷ് കുമാര്‍ സ്വാഗതവും താലൂക്ക് ലൈബ്രറി കൗണ്‍സില്‍ അംഗം പി കെ ശാലിനി നന്ദിയും പറഞ്ഞു.
