കോഴിക്കോട്: യാതൊരു പ്രകോപനവുമില്ലാതെ ഇറാനിലെ സൈനിക കേന്ദ്രങ്ങൾക്കും സിവിലിയന്മാർക്കും നേരെ ആക്രമണം നടത്തി പശ്ചിമേഷ്യയെ വീണ്ടും വീണ്ടും യുദ്ധക്കളമാക്കുന്ന ഇസ്രായേൽ നടപടി ലോക സമാധാത്തിന് തന്നെ ഭീഷണിയാണെന്ന് കെ.എൻ.എം കോഴിക്കോട് സൗത്ത് ജില്ലാ സംയുക്ത സെക്രട്ടറിയേറ്റ് യോഗം അഭിപ്രായപ്പെട്ടു. പശ്ചിമേഷ്യയെ യുദ്ധക്കളമാക്കി മാറ്റി അസ്ഥിരപ്പെടുത്താൻ ശ്രമിക്കുന്ന ഇസ്രായേലിനെതിരെ ലോക രാഷ്ട്രങ്ങൾ ശക്തമായ രീതിയിൽ പ്രതികരിക്കേണ്ടതുണ്ടെന്നും യോഗം കൂട്ടിച്ചേർത്തു. ജൂൺ 29ന് കോഴിക്കോട് ശിക്ഷക് സദനിൽ വെച്ച് ശാഖാ-മണ്ഡലം ഭാരവാഹികൾക്ക് വേണ്ടി നടത്തുന്ന ‘എംപവർമെന്റ്’ സംഘടനാ ശാക്തീകരണ ശിൽപശാലക്ക് യോഗം രൂപം നൽകി. കെ.എൻ.എം ജില്ലാ പ്രസിഡന്റ് സി.മരക്കാരുട്ടി അധ്യക്ഷത വഹിച്ചു.
വളപ്പിൽ അബ്ദുസ്സലാം, ഇ വി മുസ്തഫ, നാസർ കല്ലായി, സെല്ലു അത്തോളി, എം എം റസാഖ്, പി എൻ അബ്ദുറഹിമാൻ, ഷബീർ കൊടിയത്തൂർ, അബ്ദുൽ ലത്തീഫ് മാസ്റ്റർ , പിവി റഊഫ്, അഫ്സൽ പട്ടേൽതതാഴം, മുജീബ് പൊറ്റമ്മൽ, ശമൽ പൊക്കുന്ന് എന്നിവർ പ്രസംഗിച്ചു.
