കൊണ്ടോട്ടി: പ്രഥമ പാണ്ടിയാട്ടുപുറം ഇ എം എസ് ഭവന്‍ എജ്യൂക്കേഷന്‍ ട്രസ്റ്റ് അവാര്‍ഡിന് പുസ്തകങ്ങള്‍ ക്ഷണിച്ചു. ഇതുവരെ പ്രസിദ്ധീകരിച്ചതും 2023 മെയ് 31 വരെ പ്രസിദ്ധീകരിക്കുന്നതുമായ പുസ്തകങ്ങള്‍ക്ക് വിഷയക്രമത്തില്‍ അന്‍പതോളം അവാര്‍ഡുകളാണ് നല്‍കുന്നത്.
എഴുത്തുകാര്‍ക്കും പ്രസാധകര്‍ക്കും വായനക്കാര്‍ക്കും പുസ്തകങ്ങള്‍ അയക്കാം. 123 രൂപ പണക്കിഴിയും പ്രശംസാപത്രവുമാണ് അവാര്‍ഡ്. ഇ എം എസ് ഭവന്റെ ഉദ്ഘാടനത്തോടനുബന്ധിച്ച് ഇ എം എസ് ജന്മദിനമായ ജൂണ്‍ 13ന് അവാര്‍ഡുകള്‍ വിതരണം ചെയ്യും.
പുസ്തകത്തിന്റെ ഒരു കോപ്പിയാണ് ഗ്രന്ഥകാരന്റെ ലഘുജീവചരിത്രം സഹിതം അയക്കേണ്ടത്. വിലാസം: റസാഖ് പയമ്പ്രോട്ട്, സെക്രട്ടറി, പാണ്ടിയാട്ടുപുറം ഇ എം എസ് ഭവന്‍ എജ്യുക്കേഷന്‍ ട്രസ്റ്റ്, കൊട്ടപ്പുറം കാക്കഞ്ചേരി റോഡ്, ആന്തിയൂര്‍കുന്ന് പി ഒ, പുളിക്കല്‍, മലപ്പുറം ജില്ല, 673637 എന്ന വിലാസത്തില്‍ അയക്കുക. (ഫോണ്‍: 9847173451).
