കൊച്ചി: ധരണി രസേന്ദ്രന്‍ രചനയും സംവിധാനവും നിര്‍വ്വഹിച്ചിരിക്കുന്ന തമിഴ് പിരീഡ് ഡ്രാമ ചിത്രമാണ് ‘യാതിസൈ’. പ്രമുഖരുടെ വലിയ താരനിര ഇല്ലാത്ത യാത്തിസായുടെ ട്രയ്‌ലറും പരസ്യ ചിത്രങ്ങളും അമ്പരപ്പിക്കുന്നതാണ്.
പൊന്നിയിന്‍ സെല്‍വന്‍ ചോളന്മാരുടെ കഥയാണ് പറയുന്നതെങ്കില്‍ യാതിസൈ, പാണ്ഡ്യ രാജവംശത്തെയാണ് കഥാപശ്ചാത്തലമാക്കുന്നത്. ട്രെയ്‌ലര്‍ പുറത്തെത്തിയതോടെ ഈ ചിത്രം സിനിമാപ്രേമികള്‍ക്കിടയില്‍ സജീവ ചര്‍ച്ച ആയിരിക്കുന്നു.
ചിത്രം ഏപ്രില്‍ 21 ന് കേരളത്തില്‍ റിലീസ് ചെയ്യുന്നത് ‘നന്നായിക്കൂടേ’ സംവിധായിക ഡോ. ജെ ജാനറ്റ് ന്റെ ദൈവിക് പ്രൊഡക്ഷന്‍സ് LLP ആണ്. ശക്തിമിത്രന്‍, സെയോണ്‍, രാജലക്ഷ്മി, ഗുരു സോമസുന്ദരം, ചന്ദ്രകുമാര്‍, സെമ്മലര്‍ അന്നം, സുഭദ്ര, സമര്‍, വിജയ് സെയോണ്‍, എസ്.റൂബി ബ്യൂട്ടി തുടങ്ങിയവരാണ് പ്രധാന അഭിനേതാക്കള്‍.
മണിരത്‌നത്തിന്റെ പൊന്നിയിന്‍ സെല്‍വന്‍ 2 എത്തുന്നതിന് ഒരാഴ്ച മുന്‍പ് യാതിസൈ തിയറ്ററുകളില്‍ എത്തുന്നു എന്നത് ചിത്രത്തിന്റെ ഹൈപ്പ് കൂട്ടുന്നു. പി.എസ് 2ന് എതിരാളിയാകുമോ അതോ ഒപ്പം പിടിച്ച് നില്‍ക്കുമോ എന്നതാണ് തമിഴ് ചലച്ചിത്ര ലോകം ഉറ്റുനോക്കുന്നത്.
ചോള രാജവംശം അധികാരം നഷ്ടപ്പെടുകയും അവിടുത്തെ ജനങ്ങള്‍ കാടുകളില്‍ ജീവിക്കാന്‍ നിര്‍ബന്ധിതരാവുകയും ചെയ്ത കാലത്ത് ഭരിച്ചിരുന്ന ഏഴാം നൂറ്റാണ്ടിലെ പാണ്ഡ്യ രാജകുമാരനായ രണധീരനെ അടിസ്ഥാനമാക്കിയുള്ള ആനുകാലിക ഫിക്ഷനാണ് യത്തിസായി. പാണ്ഡ്യന്മാര്‍ക്കെതിരായ ഐനാര്‍മാരുടെയും ചോളരുടെയും കലാപം, യുദ്ധം ദേവരാടിയരുടെ ജീവിതത്തെ എങ്ങനെ തടസ്സപ്പെടുത്തി എന്നതിനെക്കുറിച്ചും ചിത്രം വിശദമാക്കുന്നു.
വീനസ് ഇന്‍ഫോ ടെയ്ന്‍മെന്റും സിക്‌സ് സ്റ്റാര്‍ എന്റര്‍ടെയ്ന്‍മെന്റും ചേര്‍ന്ന് നിര്‍മ്മിക്കുന്ന യതിസായിയുടെ ഛായാഗ്രഹണം അഖിലേഷ് കാത്തമുത്തുവും സംഗീതം ചക്രവര്‍ത്തിയുമാണ് നിര്‍വ്വഹിച്ചിരിക്കുന്നത്. ഏപ്രില്‍ 21 ന് ദൈവിക് പ്രൊഡക്ഷന്‍സ് LLP കേരളത്തില്‍ ചിത്രം റിലീസ് ചെയ്യുന്നു.
