കീഴല്‍: പ്രിയദര്‍ശിനി കലാവേദി കീഴലിന്റെ വാര്‍ഷികാഘോഷ പരിപാടികളുടെ സമാപന ദിവസമായ ഇന്ന് വിവിധ പരിപാടികള്‍ അരങ്ങേറും. ഉദ്ഘാടനം മുന്‍ എം എല്‍ എ പാറക്കല്‍ അബ്ദുള്ള ഉദ്ഘാടനം ചെയ്യും. വില്യാപ്പള്ളി ഗ്രാമ പഞ്ചായത്ത് പ്രസിഡന്റ് കെ കെ ബിജുള മുഖ്യ പ്രഭാഷണം നടത്തും. ഗ്രാമ പഞ്ചായത്ത് മെമ്പര്‍മാരായ എം കെ സനിയ, പ്രശാന്ത് കുമാര്‍ എന്നിവര്‍ സംസാരിക്കും. തുടര്‍ന്ന് സ്‌നേഹാദരം, നാട്യനിശ, ഫ്‌ലവേഴ്‌സ് ടി വി താരങ്ങള്‍ അണിനിരക്കുന്ന മെഗാഷോ എന്നിവ അരങ്ങേറും.
ഇന്നലെ നടന്ന സാംസ്‌കാരിക സായാഹ്നം രമേശ് കാവില്‍ ഉദ്ഘാടനം ചെയ്തു. പി കെ സജിത്ത് അദ്ധ്യക്ഷത വഹിച്ചു. സുധീഷ് മനസ്സ്, അഷ്‌റഫ് കോറോത്ത്, മനോജ് അനാമിക, സുനീഷ് കുമാര്‍. കെ എം, കെ ടി സന്തോഷ്, പി പി അനീഷ്, അബ്ദുള്‍ സലാം, സുധീഷ് പി എം, സുധീഷ് കെ എം എന്നിവര്‍ പ്രസംഗിച്ചു.
