കൊച്ചി: സൂരിയെ നായകനാക്കി വെട്രിമാരന്‍ അണിയിച്ചൊരുക്കിയ തമിഴ് ചിത്രമാണ് വിടുതലൈ പാര്‍ട്ട്1. ഒരു വെട്രിമാരന്‍ ചിത്രമെന്നതിനൊപ്പം ഹാസ്യനടനായ സൂരി കേന്ദ്ര കഥാപാത്രത്തെ അവതരിപ്പിക്കുന്നു എന്നതും ‘വിടുതലൈ’യുടെ പ്രത്യേകതയാണ്. മക്കള്‍ സെല്‍വന്‍ വിജയ് സേതുപതി, ഗൗതം വാസുദേവ് മേനോന്‍, ഭവാനി ശ്രീ, രാജീവ് മേനോന്‍, തമിഴ് തുടങ്ങിയവരും ചിത്രത്തില്‍ പ്രധാന വേഷങ്ങളിലുണ്ട്. ചിത്രം വിടുതലൈ ഇപ്പോള്‍ ZEE5- ല്‍ സ്ട്രീം ചെയ്യുന്നു.
മക്കള്‍ പടയെ തുരത്താന്‍ നിയോഗിക്കപ്പെട്ട പ്രത്യേക പോലീസ് സംഘത്തിലേക്ക് പുതിയതായി ചേരാനെത്തിയ കുമരേശന്‍ (സൂരി) എന്ന കഥാപാത്രം വളരെ മികച്ച രീതിയില്‍ ആണ് സംവിധായകന്‍ അവതരിപ്പിച്ചിരിക്കുന്നത്.
പച്ചയായ മനുഷ്യരുടെ ജീവിതം അതുപോലെ വെള്ളിത്തിരയിലെത്തിക്കുന്ന സംവിധായകന്റെ ചിത്രങ്ങള്‍ക്ക് ശക്തമായ രാഷ്ട്രീയ വീക്ഷണവും ഉണ്ടാകാറുണ്ട്. അതില്‍ നിന്നും വ്യതിചലിക്കാത്ത സ്വഭാവമാണ് ‘വിടുതലൈ’യും പ്രകടിപ്പിക്കുന്നത്.
പോലീസ് ക്രൂരതയ്ക്ക് പിന്നിലെ നൈതികതയെ ഏറ്റവും അസ്വാസ്ഥ്യകരമായ, പതറാത്ത രീതിയില്‍ വിടുതലൈ ചോദ്യം ചെയ്യുന്നു. പോലീസ് ക്രൂരതകളിലേക്ക് ശ്രദ്ധ ക്ഷണിക്കുന്നതിനു പുറമേ, 1990 കളിലെ തമിഴ്‌നാട്ടിലെ രാഷ്ട്രീയ അവസ്ഥയും കഥ ചര്‍ച്ച ചെയ്യുന്നു. ജയമോഹന്‍ എഴുതിയ ‘തുണൈവന്‍’ എന്ന ചെറുകഥയെയാണ് വെട്രിമാരന്‍ ‘വിടുതലൈ’യായി വളര്‍ത്തിയത്. ശക്തമായ തിരക്കഥയാണ് സംവിധായകന്‍ ഒരുക്കിയിരിക്കുന്നത്.
ZEE5 ഇന്ത്യയുടെ ചീഫ് ബിസിനസ് ഓഫീസര്‍ മനീഷ് കല്‍റ പറയുന്നു, വിടുതലൈ ഭാഗം 1 ഈ വര്‍ഷത്തെ ഏറ്റവും വലിയ റിലീസുകളില്‍ ഒന്നാണ്, കൂടാതെ ഈ ബ്ലോക്ക്ബസ്റ്റര്‍ ചിത്രത്തിന്റെ വേള്‍ഡ് ഡിജിറ്റല്‍ പ്രീമിയര്‍ ZEE5-ല്‍ മാത്രമായി അവതരിപ്പിക്കുന്നതില്‍ ഞങ്ങള്‍ സന്തുഷ്ടരാണ്.
ബോക്‌സ് ഓഫീസിലെ ഒരു ബ്ലോക്ക്ബസ്റ്റര്‍ ഹിറ്റിന് ശേഷം, മികച്ച ഹോം ഛഠഠ പ്ലാറ്റ്‌ഫോമായ ദഋഋ5 വഴി ഡയറക്‌ടേഴ്‌സ് കട്ട് ഓഫ് വിടുതലൈ നിങ്ങളുടെ സ്‌ക്രീനുകളില്‍ എത്തിക്കുന്നതില്‍ ഞങ്ങള്‍ക്ക് സന്തോഷമുണ്ട്. ZEE5ലെ വിടുതലൈയുടെ വേള്‍ഡ് ഡിജിറ്റല്‍ പ്രീമിയര്‍ വഴി ലോകമെമ്പാടുമുള്ള സിനിമ പ്രേമികള്‍ക്ക് ഇനി ചിത്രം ആസ്വദിക്കാം.
Follow ZEE5 on:
Facebook – https://www.facebook.com/ZEE5
Twitter – https://twitter.com/ZEE5India
Instagram – https://www.instagram.com/zee5
