തിരുവനന്തപുരം: ഗര്‍ഭിണിയായ ദന്ത ഡോക്ടര്‍ ഡെങ്കിപ്പനി ബാധിച്ച് മരിച്ചു. തിരുവനന്തപുരം ഡെന്റല്‍ കോളെജിലെ ഓറല്‍ പതോളജി വിഭാഗത്തിലെ ഒന്നാം വര്‍ഷ പി ജി വിദ്യാര്‍ത്ഥിനിയായ മലപ്പുറം ഇടക്കര വെസ്റ്റ് പെരുംകുളം കാര്‍കുഴിയില്‍ വീട്ടില്‍ മുംതാസ് (31) ആണ് മരിച്ചത്. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
മുംതാസ് മൂന്ന് മാസം ഗര്‍ഭിണിയായിരുന്നു. ഡെങ്കിപ്പനി ബാധിച്ചതോടെ മൂന്നാഴ്ച മുമ്പ് എസ് എ ടിയില്‍ പ്രവേശിപ്പിച്ചെങ്കിലും പിന്നീട് നഗരത്തിലെ സ്വകാര്യ ആശുപത്രിയിലേക്ക് മാറ്റുകയായിരുന്നു. ഇവിടെ ഐ സിയുവില്‍ കഴിയവെയാണ് മരണം സംഭവിച്ചത്. ഭര്‍ത്താവ്: ഡോ സഫീര്‍ (എന്‍ ഐ ടി കോഴിക്കോട്), മക്കള്‍: ഖദീജ, നൂഹ്.
