കോഴിക്കോട്: ഫ്‌ളാറ്റില്‍ നിന്ന് താഴേക്ക് വീണ് ഏഴ് വയസുകാരന്‍ മരിച്ചു. . പൊറ്റമ്മൽ ചിന്മയ സ്കൂൾ രണ്ടാം ക്ലാസ് വിദ്യാർഥി ഇവാൻ ഹൈബൽ ആണ് മരിച്ചത്.
പാലാഴി ഇരിങ്ങല്ലൂർ ലാൻഡ് മാർക്ക് ‘അബാക്കസ്’ ബിൽഡിങ്ങിൽനിന്നാണ് ഇവാന്‍ ഹൈബല്‍ വീണത്. നല്ലളം കീഴ്വനപാടം എം.പി. ഹൗസിൽ മുഹമ്മദ് ഹാജിഷ്-ആയിശ ദമ്പതികളുടെ മകനാണ് ഇവാൻ ഹൈബൽ. ഇന്നലെ രാത്രിയാണ് അപകടം.
കളിക്കുന്നതിനിടെ ബാൽക്കണിയിൽ കയറിയ കുട്ടി ഏഴാം നിലയിൽ നിന്ന് താഴേക്ക് പതിക്കുകയായിരുന്നു. ശബ്ദം കേട്ട് ഓടിയെത്തിയ സുരക്ഷ ജീവനക്കാരും മറ്റും ചേർന്ന് തൊട്ടടുത്ത സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
