കൊച്ചി: തൃക്കാക്കര ഗവണ്മെന്റ് മോഡല്‍ എന്‍ജിനീയറിങ് കോളേജില്‍ ഇന്‍ഡിവുഡ് ഫിലിം ക്ലബ്ബ് രൂപവല്‍ക്കരിച്ചു. സിനിമയെ ഫലപ്രദമായി ആസ്വദിക്കാനും ഫിലിം മേക്കിങ്ങിന്റെ ശാസ്ത്രീയ വശങ്ങളെക്കുറിച്ച് വിദ്യാര്‍ത്ഥികളില്‍ അവബോധം സൃഷ്ടിക്കുവാനുമാണ് കോളേജില്‍ ഈയൊരു ക്ലബ്ബ് രൂപവല്‍ക്കരിച്ചത്. നവരസ എന്ന പേരില്‍ ആരംഭിച്ച ‘ഫിലിം & ഡ്രാമ’ ക്ലബ്ബിന്റെ അഭിമുഖത്തില്‍ ഫിലിം മേക്കിങ്ങിനെ കുറിച്ച് സെമിനാറും നടന്നു.
എന്‍ജിനീയറിങ് കോളേജ് പ്രിന്‍സിപ്പല്‍ ഡോ. ജേക്കബ് തോമസ് അധ്യക്ഷനായ ചടങ്ങ് എഴുത്തുകാരനും സംവിധായകനുമായ പി കെ സുനില്‍നാഥ് ഉദ്ഘാടനം ചെയ്തു. നടനും സംവിധായകനുമായ ബിജു മജീദ് ചടങ്ങില്‍ സംബന്ധിച്ചു. അസിസ്റ്റന്റ് പ്രൊഫസറും ഫിലിം ക്ലബ്ബ് കോര്‍ഡിനേറ്ററുമായ ജിമ്മി ജോണ്‍ സ്വാഗതം ആശംസിച്ചു. ചടങ്ങിന് ശേഷം കുട്ടികള്‍ക്കായി ബിജു മജീദിന്റെ നേതൃത്വത്തില്‍ ഫിലിം മേക്കിങ്ങിനെ കുറിച്ചുള്ള വര്‍ക്ക്‌ഷോപ്പും ഉണ്ടായിരുന്നു.
