കോഴിക്കോട്: പൊതു സിവില് കോഡിനെതിരെ പ്രചരണം നടത്താനുള്ള കെ പി സി സിയുടെ തീരുമാനം തീവ്രവാദികളുടെ വോട്ട് സമാഹരിക്കാനുള്ള നീക്കമാണെന്ന് ബി ജെ പി സംസ്ഥാന അദ്ധ്യക്ഷന് കെ സുരേന്ദ്രന്. വര്ഗീയ ധ്രുവീകരണത്തിന് വേണ്ടി സി പി എമ്മിനോട് മത്സരിക്കുകയാണ് കോണ്ഗ്രസെന്നും അദ്ദേഹം പ്രസ്താവനയില് പറഞ്ഞു. പൊതു സിവില് കോഡ് വിഷയത്തില് കെ പി സി സിയുടെ നിലപാട് തന്നെയാണോ എ ഐ സി സിക്കും ഉള്ളതെന്ന് മല്ലികാര്ജുന ഖാര്ഗെ വ്യക്തമാക്കണം. കോണ്ഗ്രസിന്റെയും ഇടതുപക്ഷത്തിന്റെയും നിലപാട് കടുത്ത സ്ത്രീവിരുദ്ധമാണ്. മുസ്ലിം സ്ത്രീകളും പുരോഗമന ചിന്താഗതിക്കാരും ഇതിനെതിരെ രംഗത്ത് വരണം. നാല് വോട്ടിന് വേണ്ടി നവോത്ഥാനശ്രമങ്ങളെ പിന്നില് നിന്നും കുത്തുന്ന കോണ്ഗ്രസ് സി പി എം പാര്ട്ടികള്ക്കെതിരെ ശക്തമായ പ്രതിഷേധമുണ്ടാവുക തന്നെ ചെയ്യും. ലോകത്ത് എല്ലാ വികസിത രാജ്യങ്ങള്ക്കും ഒരു പൊതുനിയമമുണ്ടെന്ന കാര്യം ഇത്തരം പിന്തിരിപ്പന് രാഷ്ട്രീയ പാര്ട്ടികള് മനസിലാക്കണം. സി എ എ സമരത്തിന് സമാനമായ രീതിയില് തീവ്രവാദികളുമായി ചേര്ന്ന് നാടിന്റെ സമാധാനം തകര്ക്കാനാണ് ഇരു മുന്നണികളുടേയും തീരുമാനമെങ്കില് ശക്തമായ ജനകീയ പ്രതിരോധമുണ്ടാവുമെന്നും കെ.സുരേന്ദ്രന് പറഞ്ഞു.
![](https://nattuvarthamanam.com/wp-content/uploads/2023/03/K-Surendran-1.jpg)