വാര്‍ത്തകള്‍ 8289857951 എന്ന വാട്‌സാപ്പ് നമ്പറില്‍ അയക്കുക
ചിങ്ങപുരം: സി കെ ജി മെമ്മോറിയല്‍ ഹയര്‍ സെക്കന്ററി സ്‌കൂള്‍ പ്ലസ് ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്കുള്ള അനുമോദനവും ഈ വര്‍ഷത്തെ വിജയോത്സവം പരിപാടിയുടെ ഉദ്ഘാടനവും നടന്നു. അനുമോദന സദസ്സ് മൂടാടി ഗ്രാമ പഞ്ചായത്ത് പ്രസിഡന്റ് സി കെ ശ്രീകുമാര്‍ ഉദ്ഘാടനം ചെയ്തു. ശക്തി സിംഗ് ആര്യ ഐ പി എസ് കുട്ടികള്‍ക്കുള്ള മോട്ടിവേഷന്‍ ക്ലാസും മൊമെന്റോ വിതരണം നടത്തി. വിജയോത്സവം ഉദ്ഘാടനം ദേശീയ അധ്യാപക അവാര്‍ഡ് ജേതാവ് ഡോക്ടര്‍ പി കെ ഷാജി നിര്‍വഹിച്ചു. കഴിഞ്ഞ വര്‍ഷത്തെ മികച്ച NSS യൂണിറ്റ് ആയി തെരെഞ്ഞെടുത്ത സ്‌കൂള്‍ യൂണിറ്റിന്റെ പ്രോഗ്രാം ഓഫീസര്‍ ദീപ ടീച്ചറെ ആദരിച്ചു. കൂടാതെ രാഷ്ട്രപതിയുടെ ധീരതയ്ക്കുള്ള അവാര്‍ഡ് ലഭിച്ച പൂര്‍വ വിദ്യാര്‍ത്ഥി മുഹമ്മദ് മുഹ്‌സിന്റെ സ്മരണാര്‍ത്ഥം കുടുംബവും സഹപാഠികളും ഏര്‍പ്പെടുത്തിയ മോമെന്റൊയും ക്യാഷ് അവാര്‍ഡുകളും വിതരണം ചെയ്തു. പി ടി എ പ്രസിഡന്റ് അച്യുതന്‍ ആളാങ്ങാരി അധ്യക്ഷത വഹിച്ച ചടങ്ങില്‍ സ്‌കൂള്‍ പ്രിന്‍സിപ്പല്‍ പി ശ്യാമള സ്വാഗതം പറഞ്ഞു.
