പിണങ്ങോട്: മദ്രാസ് യൂണിവേഴ്‌സിറ്റിയില്‍നിന്ന് അറബിക് സാഹിത്യത്തില്‍ പി.എച്ച്.ഡി നേടിയ പീസ് വില്ലേജ് ട്രസ്റ്റ് മെമ്പറും പണ്ഡിതനുമായ ഡോ.ഇല്യാസ് മൗലവിയെ പീസ് വില്ലേജ് ഫൗണ്ടേഷന്‍ ട്രസ്റ്റ് ആദരിച്ചു. ട്രസ്റ്റ് വൈസ് ചെയര്‍മാന്‍ എം.കെ മുഹമ്മദലി അദ്ധ്യക്ഷത വഹിച്ച ചടങ്ങില്‍ ഡോ.ഇല്യാസ് മൗലവിക്കുള്ള ഉപഹാരം കൈമാറി. യെനെപോയ മെഡിക്കല്‍ കോളേജില്‍നിന്ന് ഗൈനക്കോളജിയില്‍ ഉന്നത മാര്‍ക്കോടെ പി.ജി പൂര്‍ത്തിയാക്കിയ പീസ് വില്ലേജ് സ്ഥാപക കുടുംബാംഗം ഡോ. ഹഫ്‌സത്ത് ബാലിലിനെയും ചടങ്ങില്‍ ആദരിച്ചു.ഡോ.ഇല്യാസ് മൗലവി മറുപടി പ്രസംഗം നടത്തി.
പീസ് വില്ലേജ് ജനറല്‍ സെക്രട്ടറി ബാലില്‍ മുഹമ്മദ് ഹാജി, സെക്രട്ടറിമാരായ മുസ്തഫ മാസ്റ്റര്‍ സദറുദ്ദീന്‍ വാഴക്കാട്, മാനേജര്‍ ഹാരിസ് അരിക്കുളം, എന്നിവര്‍ സംസാരിച്ചു. വാര്‍ഡ് മെമ്പര്‍ കെ പി അന്‍വര്‍, പീസ് വില്ലേജ് പ്രാദേശിക കമ്മറ്റി പ്രസിഡന്റും തരിയോട് ഗ്രാമ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാനുമായ ഷമീം പാറക്കണ്ടി, നജീബ് പിണങ്ങോട്, സൂപ്പര്‍വൈസര്‍ അബ്ദുല്ല പച്ചൂരാന്‍ എന്നിവര്‍ ആശംസ പ്രസംഗം നടത്തി. സീ ഓഡിയോ ചെന്നലോടിന്റെ നേതൃത്വത്തില്‍ ഗാനവിരുന്നും സംഘടിപ്പിച്ചു. സാമൂഹിക സാംസ്‌ക്കാരിക രംഗത്തെ നിരവധി പേര്‍ പരിപാടിയില്‍ സംബന്ധിച്ചു.
