മുപ്പുറം: ഇന്ത്യന്‍ സ്വാതന്ത്യസമര സ്മൃതികള്‍ അയവിറക്കുന്നതിന് കെ എന്‍ എം മര്‍കസുദ്ദഅവ വനിതാ വിഭാഗമായ എം.ജി.എം സംസ്ഥാന സമിതി സ്വാതന്ത്ര്യ ദിനത്തില്‍ സ്വാതന്ത്ര്യ സമര സ്മൃതി സംഘടിപ്പിക്കും. സ്വാതന്ത്ര്യ സമരത്തിലെ പോരാളികളായ ധീര വനിതകളെക്കുറിച്ച് സംഗമം ചര്‍ച്ച ചെയ്യും.
വിശ്വമാനവികതക്ക് വേദ വെളിച്ചം എന്ന സന്ദേശവ്യമായി അടുത്ത ജനുവരിയില്‍ കരിപ്പൂരില്‍ നടക്കുന്ന മുജാഹിദ് സംസ്ഥാന സമ്മളനത്തിന്റെ മുന്നോടിയായിയാണ് എം.ജി.എം സ്വാതന്ത്ര്യ സമര സ്മൃതി സദസ്സ് സംഘടിപ്പിക്കുന്നത്
ചൊവ്വാഴ്ച ഉച്ചക്ക് 2ന് മലപ്പുറം വ്യാപാര ഭവനില്‍ നടക്കുന്ന സ്വാതന്ത്ര്യ സമര സ്മൃതി സദസ്സ് എ.ഐ.സി.സി അംഗം ഡോ. ഹരിപ്രിയ ഉദ്ഘാടനം ചെയ്യും. എം. ജി.എം സംസ്ഥാന പ്രസിഡന്റ് സല്‍മ അന്‍ വാരിയ്യ അധ്യക്ഷത വഹിക്കും.
കെ എന്‍.എം മര്‍കസുദ്ദഅവ ട്രഷറര്‍ എം അഹ്മദ് കുട്ടി മദനി മുഖ്യപ്രഭാഷണം നടത്തും. അഡ്വ ബീന ജോസഫ്, അസ്വ. റുമൈസ റഫീഖ്, റിഹാസ് പുലാമന്തോള്‍, സി.ടി. ആയിശ, റുഖ് സാന വാക്കോട് പ്രസംഗിക്കും.
