ആലപ്പുഴ: പത്താമത് മുജാഹിദ് സമ്മേളനത്തിന്റെ ആലപ്പുഴ ജില്ലാ സ്വാഗത സംഘത്തിന്റെ ആദ്യ യോഗം ജില്ലാ പ്രസിഡന്റ് സി കെ അസ്സനാര്‍ സാഹിബിന്റെ അധ്യക്ഷതയില്‍ ചേര്‍ന്നു. സമ്മേളന ജില്ലാ പ്രചരണ ഉദ്ഘാടനം സെപ്റ്റംബര്‍ 10ന് ഞായറാഴ്ച നാലുമണിക്ക് അരൂരില്‍ പബ്ലിക് പ്രോഗ്രാമായി നടത്തുവാന്‍ യോഗം തീരുമാനിച്ചു.
ജില്ലയില്‍ സമ്മേളന തുടര്‍ പ്രവര്‍ത്തനങ്ങള്‍ മണ്ഡലങ്ങളില്‍ ഉടന്‍ തുടക്കം കുറിക്കുവാനും തീരുമാനിച്ചു. സെക്രട്ടറി സ്വാഗതം ആശംസിച്ചു. ചര്‍ച്ചയില്‍ പങ്കെടുത്തുകൊണ്ട് നസീര്‍ കായിക്കര, പി. നസീര്‍, ഷെമീര്‍ ഫലാഹി, ജഹാസ്, എ. എം. നസീര്‍, ഷെഫീക്, അന്‍സില്‍, ബഷീര്‍, ഐ. സലീം, സിജു, കാലമുദീന്‍, ഗഫൂര്‍ റാവുത്തര്‍, ഐ എസ് എം. ജില്ലാ പ്രസിഡന്റ് അലി അക്ബര്‍ മദനി, നജീബ്, എം എസ് എം. പ്രതിനിധി സല്‍മാന്‍, സജ്ജാദ്, നാഫി നിഷാദ്, എം ജി എം ജില്ലാ പ്രസിഡന്റ് ഡോ. ബേനസീര്‍ കോയ തങ്ങള്‍, എം ജി എം സൗത്ത് സോണ്‍ പ്രസിഡന്റ് സഫല നസീര്‍, ഷെമി ഗഫൂര്‍, സഫര്‍ണ മുജീബ് തുടങ്ങിയവര്‍ സംസാരിച്ചു. നസീര്‍ കായിക്കരയുടെ സമാപന പ്രഭാഷണത്തോടെ സ്വാഗത സംഘ യോഗം അവസാനിച്ചു.
