ആലപ്പുഴ: ഐ എസ് എം തസ്‌കിയത് സംഗമവും ജില്ലാ കൗണ്‍സിലും ആലപ്പുഴ വലിയകുളം ഉമ്മുസല്ലി ഓഡിറ്റോറിയത്തില്‍ നടന്നു. കെ.എന്‍ എം മര്‍ക്കസുദ്ദഅവ സംസ്ഥാന സെക്രട്ടറി സുബൈര്‍ അരൂര്‍ സംഗമം ഉദ്ഘാടനം ചെയ്തു. നവീര്‍ ഇഹ്‌സാന്‍ ഫാറൂഖി മുഖ്യപ്രഭാഷണം നിര്‍വ്വഹിച്ചു. അനസ് എച്ച് അഷറഫ് അധ്യക്ഷത വഹിച്ച യോഗത്തിന് അമീര്‍ ഹാദി സ്വാഗതം ആശംസിച്ചു. ജില്ലയിലെ പുതിയ ഭാരവാഹികളെ സംസ്ഥാന സെക്രട്ടറി അയ്യൂബ് ഇടവനക്കാടിന്റെ സാന്നിധ്യത്തില്‍ തെരഞ്ഞെടുത്തു.
ഭാരവാഹികള്‍: അലി അക്ബര്‍ മദനി (പ്രസിഡന്റ്), അനസ് എച്ച് അഷറഫ് (സെക്രട്ടറി), മുനീര്‍ റഷീദ് (ട്രഷറര്‍), ഷെഹീര്‍ ഫാറൂഖി, രിഫാസ് നൗഷാദ്, ശിഹാബ് വേണാട് (വൈസ് പ്രസിഡന്റ്), തൗഫീഖ് ഫാറൂഖി, ആമീര്‍ ഹാദി, ഹിഷാം സിയാദ് (ജോ സെക്രട്ടറി), അമല്‍ സൈഫ്, ഷാഹിദ് ഇക്ബാല്‍, ഹുബൈബ് ഹസ്സന്‍, അല്‍ത്താഫ് നസീര്‍ എന്നിവരെ സെക്രട്ടറിയേറ്റ് അംഗങ്ങളായി തെരെഞ്ഞെടുത്തു.
സംഗമത്തില്‍ കെ എന്‍ എം മര്‍ക്കസുദ്ദഅവ ജില്ല പ്രസിഡന്റ്‌സി. കെ അസൈനാര്‍, സെക്രട്ടറി എ. പി നൗഷാദ് തുടങ്ങിയവര്‍ ആശംസകള്‍ അര്‍പ്പിച്ചു സംസാരിച്ചു. ജില്ലയില്‍ ശബാബ്, വെളിച്ചം തുടങ്ങിയ വിജയകരമായി മുന്നോട്ട് പോകുന്നതില്‍ അഭിനന്ദനങ്ങള്‍ അറിയിക്കുകയും എല്ലാ പിന്തുണയും കെ എന്‍ എം ജില്ലാ കമ്മിറ്റിയുടെ ഭാഗത്തു നിന്നും ഉണ്ടാകുമെന്ന് ജില്ലാ പ്രസിഡന്റ് അസൈനാര്‍ അറിയിച്ചു. തുടര്‍ന്ന് നടന്ന ഇഫ്താര്‍ മീറ്റില്‍ കെ എന്‍ എം, ഐ എസ് എം, എം ജി എം, എം എസ് എം, ഐ ജി എം ജില്ലാ നേതാക്കള്‍ പങ്കെടുത്തു.
