സിനിമ വര്‍ത്തമാനം / എം കെ ഷെജിന്‍
കൊച്ചി: ഒരു കന്യാസ്ത്രീയുടെ പ്രണയം എന്ന ടാഗ് ലൈനോട് കൂടിവന്നു സോഷ്യല്‍ മീഡിയയില്‍ തരംഗമായി മാറിയ നേര്‍ച്ചപ്പെട്ടി എന്ന സിനിമ സെപ്തംബര്‍ എട്ടിന് തിയേറ്ററുകളിലേക്ക്. ഇതിലെ ഗാനങ്ങളും ട്രെയിലരും ഇതിനോടകം തന്നെ ജനങ്ങള്‍ ഏറ്റെടുത്തു കഴിഞ്ഞു. ഇതിലെ ജാസ്സി ഗിഫ്റ്റ് പാടിയ കടമിഴി നോട്ടം കൊണ്ട് എന്ന ഗാനത്തിന്റെ റീല്‍സ് പല ഫ്‌ലാറ്റ് ഫോമുകളിലും വൈറലായി കൊണ്ടിരിക്കുകയാണ്. ലജ്ജാവതിക്ക് ശേഷം ജാസി ഗിഫ്റ്റ് ഒരു തരംഗം സൃഷ്ടിച്ചിരിക്കുകയാണ് ഈ ഗാനത്തിലൂടെ.
പുതുമയുള്ള കഥയും കഥാപശ്ചാത്തലവുമാണ് നേര്‍ച്ചപ്പെട്ടിയെ മറ്റു ചിത്രങ്ങളില്‍ നിന്ന് വ്യത്യസ്തമാക്കുന്നത്. ചിത്രത്തില്‍ ജസ്റ്റിന ആയി വരുന്നത് തമിഴ് മലയാളം സിനിമകളിലൂടെ ശ്രദ്ധിക്കപ്പെട്ട നൈറാ നിഹാര്‍ എന്ന ആര്‍ട്ടിസ്റ്റ് ആണ്. ഒരു കന്യാസ്ത്രീ പ്രണയ നായിക കഥാപാത്രമായി വരുന്ന മലയാളത്തിലെ ആദ്യത്തെ സിനിമയാണിത്. സ്‌കൈഗേറ്റ് ഫിലിംസ് നിര്‍മ്മിക്കുന്നനേര്‍ച്ചപ്പെട്ടി എന്ന ചിത്രം ഉടന്‍ തിയേറ്ററി ലെത്തും. ദേശീയ അന്തര്‍ ദേശീയ തലത്തിലെ പരസ്യ ചിത്രങ്ങളിലൂടെയും ഫാഷന്‍ ഷോ ഗ്രൂമിങ് രംഗത്തിലൂടെയും ശ്രദ്ധേയനായ അതുല്‍ സുരേഷ് ആണ് നായകന്‍.
ഉദയകുമാര്‍, ശ്യാം കൊടക്കാട്, മോഹന്‍ തളിപ്പറമ്പ്,ഷാജി തളിപ്പറമ്പ്, മനോജ് ഗംഗാധര്‍, വിദ്യന്‍ കനകത്തിടം, പ്രസീജ് കുമാര്‍, രാലജ് രാജന്‍, സദാനന്ദന്‍ ചേപ്പറമ്പ്, രാജീവ് നടുവനാട്, സിനോജ് മാക്‌സ്, നസീര്‍ കണ്ണൂര്‍, ശ്രീവേഷ്‌കര്‍, ശ്രീഹരി, പ്രഭുരാജ്, സജീവന്‍ പാറക്കണ്ടി, റെയ്‌സ്പുഴക്കര, മാസ്റ്റര്‍ ധ്യാന്‍ കൃഷ്ണ, പ്രസീത അരൂര്‍, രേഖ സജിത്ത്, വീണ, അഹല്യ, അശ്വിനി രാജീവന്‍, അനഘ മുകുന്ദന്‍, ജയിന്‍ മേരി, പ്രബുദ്ധ സനീഷ്, ശ്രീകല, രതി ഇരിട്ടി, വിദ്യ, ജോയ്‌സി തുടങ്ങിയവര്‍ അഭിനയിക്കുന്നു.
കലാസംവിധാനം ബാലകൃഷ്ണന്‍ കൈതപ്രം, മേക്കപ്പ് ജയന്‍ ഏരിവേശി, സ്റ്റില്‍സ് വിദ്യന്‍ കനത്തിടം, ക്യാമറ റഫീഖ് റഷീദ്, അസോസിയേറ്റ് ഡയറക്ടര്‍ മനോജ് ഗംഗാധര്‍,അസിസ്റ്റന്റ് ഡയറക്ടേഴ്‌സ് രാല് ജ് രാജന്‍, ആരാധ്യരാകേഷ്,സംഗീത സംവിധാനം സിബു സുകുമാരന്‍, സിബിച്ചന്‍ ഇരിട്ടി, ഗാനരചന ബാബു ജോണ്‍, ഗായകര്‍ മധു ബാലകൃഷ്ണന്‍, ജാസി ഗിഫ്റ്റ.് പശ്ചാത്തല സംഗീതം സിബു സുകുമാരന്‍,തിരക്കഥ സംഭാഷണം സുനില്‍ പുള്ളാട്ട് ഹാനി നിലാമുറ്റം, പ്രൊഡക്ഷന്‍ കാണ്‍ട്രോളര്‍ വിനോദ് പാടിച്ചാല്‍.
