സിനിമ വര്‍ത്തമാനം / എം കെ ഷെജിന്‍
കൊച്ചി: ത്രീ ബെല്‍സ് ഇന്റര്‍നാഷണല്‍ നിര്‍മിച്ച്, പോള്‍ വര്‍ഗീസ് കഥ എഴുതി, സാബു ജയിംസ് സംവിധാനം ചെയ്യുന്ന ‘ഒരുവട്ടം കൂടി ‘ എന്ന സിനിമയുടെ ട്രെയിലര്‍ പ്രശസ്ത താരങ്ങളുടെ സോഷ്യല്‍ മീഡിയ ഒഫീഷ്യല്‍ പേജുകളിലൂടെ പ്രകാശനം ചെയ്തു.
ചിത്രത്തില്‍ മനോജ് നന്ദം, സെന്തില്‍ കൃഷ്ണ, ശ്രീകാന്ത് മുരളി, സിബി തോമസ്, ശരത് കോവിലകം, അമല റോസ് ഡോമിനിക്ക്, ഊര്‍മ്മിള മഹന്ത തുടങ്ങിയര്‍ അഭിനയിച്ചിരിക്കുന്നു. ചിത്രത്തിന്റെ ക്യാമറ, എഡിറ്റിംഗ്, ഗാനരചന എന്നിവ കൈകാര്യം ചെയ്തിരിക്കുന്നത് സംവിധായകനായ സാബു ജെയിംസ് ആണ്.
പ്രവീണ്‍ ഇമ്മടി, സാം കടമ്മനിട്ട എന്നിവര്‍ സംഗീത സംവിധാനം നിര്‍വഹിച്ചിരിക്കുന്നു. ആലപനം കെ എസ് ചിത്ര, സുദീപ് കുമാര്‍. പശ്ചാത്തല സംഗീതം പ്രവീണ്‍ ഇമ്മടി, സൗണ്ട് ഇഫക്ട് അരുണ്‍ രാമവര്‍മ്മ, സൗണ്ട് മിക്‌സിംഗ് അജിത്ത് എബ്രഹാം ജോര്‍ജ്. ഒരുവട്ടം കൂടി എന്ന ചിത്രം സാഗ ഇന്റര്‍നാഷണല്‍ സെപ്റ്റംബര്‍ 22ന് തീയറ്ററുകളില്‍ എത്തിക്കുന്നു.
