മുണ്ടക്കയം: ഭീഷണിപ്പെടുത്തി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് മധ്യവയസ്കനെ അറസ്റ്റ് ചെയ്തു. മുണ്ടക്കയം മുറികല്ലുംപുറം ഭാഗത്ത് വിഴശ്ശേരില് വീട്ടില് മോഹനനെയാണ് മുണ്ടക്കയം പൊലീസ് അറസ്റ്റ് ചെയ്തത്.
തനിക്കെതിരെ പീഡന പരാതി നല്കിയതറിഞ്ഞ് മോഹനന് ഒളിവില് പോയിരുന്നു. തുടര്ന്ന് പൊലീസ് നടത്തിയ തിരച്ചിലിലാണ് ഇയാളെ പാലക്കാട് റെയില്വേ സ്റ്റേഷനില് നിന്നും കണ്ടെത്തി പിടികൂടിയത്. കോടതിയില് ഹാജരാക്കിയ പ്രതി റിമാന്റിലാണ്.