അത്തോളി: പ്രഭാത ഓട്ടത്തിനിടെ സ്‌കൂള്‍ വിദ്യാര്‍ത്ഥി കുഴഞ്ഞ് വീണ് മരിച്ചു. അത്തോളി ഗവ ഹയര്‍ സെക്കന്‍ഡറി സ്‌കൂള്‍ വി എച്ച് എസ് സി ഒന്നാം വര്‍ഷ വിദ്യാര്‍ത്ഥി ഹേമന്ദ് ശങ്കറാണ്(16) മരിച്ചത്. രാവിലെ 6 മണിയോടെ കൂട്ടുകാര്‍ക്കൊപ്പം ഓടാന്‍ ഇറങ്ങിയതായിരുന്നു. ഓട്ടത്തിനിടെ റോഡില്‍ കുഴഞ്ഞു വീഴുകയായിരുന്നു. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കൈരളി ഹോട്ടല്‍ ജീവനക്കാരന്‍ അനിലിന്റെയും ശ്രീജയുടെയും മകനാണ്. കുടക്കല്ല് എടത്തില്‍ കണ്ടിയാണ് വീട്.
