മലപ്പുറം: ‘അധിനിവേശമാണ് അക്രമം പ്രതിരോധം അവകാശമാണ് ‘ എന്ന പ്രമേയത്തില്‍ കെ എന്‍ എം മര്‍ക്കസ്സുദഅവ മലപ്പുറം ജില്ല കമ്മിറ്റി സഘടിപ്പിക്കുന്ന കുടുംബറാലിയും മാനവിക സദസ്സും ഒക്‌ടോബര്‍ 16ന് തിങ്കളാഴ്ച വൈകിട്ട് 4.30ന് കൊണ്ടോട്ടിയില്‍ നടക്കും.
ടി വി ഇബ്രാഹിം എം എല്‍ എ ഉദ്ഘാടനം ചെയ്യും. ജില്ല പ്രസിഡന്റ് ഡോ: യു പി യഹ്‌യ ഖാന്‍ മദനി അധ്യക്ഷത വഹിക്കും. സംസ്ഥാന സെക്രട്ടറി എം ടി മനാഫ് മാസ്റ്റര്‍ മുഖ്യഭാഷണം നടത്തും. റിയാസ് മുക്കോളി, മോഹന്‍ദാസ്, അഷ്‌റഫ് മാടാന്‍, അഫ്‌നിദ പുളിക്കല്‍ എന്നിവര്‍ പ്രസംഗിക്കും.
