കോട്ടയം. ഭര്‍ത്താവ് യുവതിയെ ശ്വാസം മുട്ടിച്ച് കൊലപ്പെടുത്തി. ചങ്ങനശ്ശേരി മാടപ്പള്ളി സ്വദേശിയായ സനീഷമാണ് ഭാര്യ സിജിയെ കൊലപ്പെടുത്തിയത്. കഴുത്തില്‍ ഷാള്‍ മുറുക്കിയാണ് സിജിയെ സനീഷ് കൊലപ്പെടുത്തിയത്.
സനീഷിന്റെ വീട്ടില്‍ നിന്നും ബഹളം കേട്ട് അയല്‍വാസികള്‍ ഓടിയെത്തിയപ്പോഴേക്കും കൊലപാതകം നടന്നിരുന്നു. കൊന്നു ഇനി പൊലീസിനെ വിളിച്ചോ എന്ന് നാട്ടുകാരോട് പറഞ്ഞശേഷം പ്രതി രക്ഷപ്പെടുകയായിരുന്നു.
പിന്നീട് പൊലീസ് നടത്തിയ തിരിച്ചിലില്‍ മണിക്കൂറുകള്‍ക്കകം പ്രതിയെ പിടികൂടി. സനീഷിന്റെ രണ്ടാം ഭാര്യയാണ് സിജി. ഇവര്‍ തമ്മില്‍ വഴക്ക് പതിവായിരുന്നു. സിജിയെ ആസിഡ് ഒഴിച്ച് കൊലപ്പെടുത്താന്‍ ശ്രമിച്ച കേസില്‍ മുന്‍പ് റിമാന്‍ഡിലായിരുന്നു സനീഷ്.
