കൊച്ചി: സിനിമ ഷൂട്ടിംഗിനെന്ന പേരില്‍ വീട് വാടകയ്‌ക്കെടുത്ത് ലഹരി വില്‍പ്പന നടത്തുന്ന സംഘം പിടിയില്‍. ഇവരില്‍ നിന്നും ഒരു കിലോ എം ഡി എം എയാണ് പിടിച്ചെടുത്തത്. സംഭവത്തില്‍ രണ്ടുപേരെ അറസ്റ്റ് ചെയ്തിട്ടുണ്ട്. കരുമാലൂര്‍ സ്വദേശികളായ നിഥിന്‍ വേണുഗോപാല്‍, നിഥിന്‍ വിശ്വന്‍ എന്നിവരാണ് പിടിയിലായത്. ഇവര്‍ക്കൊപ്പമുണ്ടായിരുന്ന ഒരാള്‍ ഓടി രക്ഷപ്പെടുകയായിരുന്നു.
ഇവര്‍ സിനിമ ഷൂട്ടിംഗിനെന്ന് പറഞ്ഞ് വാടകയ്‌ക്കെടുത്ത വീട്ടില്‍ പാര്‍ക്ക് ചെയ്ത കാറില്‍ നിന്നാണ് എം ഡി എം എ കണ്ടെടുത്തത്. കാറിന്റെ ടയറിനുള്ളില്‍ ഒളിപ്പിച്ച നിലയിലായിരുന്നു ലഹരിമരുന്ന് സൂക്ഷിച്ചിരുന്നത്.
