സുല്‍ത്താന്‍ ബത്തേരി: അന്താരാഷ്ട്ര അറബി ഭാഷാ ദിനത്തോടനുബന്ധിച്ച് അമ്പലവയല്‍ ഗവണ്മെന്റ് ഹൈസ്‌കൂളില്‍ അറബി ഭാഷാ ദിനാചരണം നടത്തി. അലിഫ് അറബിക് ക്ലബ്ബിന്റെ നേതൃത്വത്തില്‍ നടന്ന ആഘോഷങ്ങള്‍ക്ക് കാലിഗ്രഫി പ്രദര്‍ശനം മാറ്റുകൂട്ടി. ഹെഡ്മിസ്ട്രസ് ബിന്ദു ടീച്ചര്‍ ഉദ്ഘാടനം ചെയ്തു.
യോഗത്തില്‍ സുല്‍ത്താന്‍ ബത്തേരി സ്‌കൂളിലെ അധ്യാപകന്‍ അബ്ദുല്‍ ജലീല്‍ അറബി ഭാഷയുടെ അനന്തസാധ്യതകളെ കുറിച്ച് വിദ്യാര്‍ത്ഥികളുമായി സംവദിച്ചു. ജില്ലാ അറബി കലോത്സവത്തില്‍ മികച്ച പ്രകടനം നടത്തിയ നിദയെ ക്ലബ്ബിന്റെ പ്രത്യേക ഉപഹാരം നല്‍കി യോഗത്തില്‍ ആദരിച്ചു. സുഹ്‌റാബി ടീച്ചര്‍, നദ, നൂറ എന്നിവര്‍ സംസാരിച്ചു.
