മൊബൈല്‍ ഫോണുമെടുത്ത് റോഡിലേക്ക് ഓടിയപ്പോള്‍ അപകടത്തില്‍ പെടുകയിയാരുന്നു
മലപ്പുറം: മൂന്ന് വയസുകാരി ബൈക്ക് ഇടിച്ച് മരിച്ചു. കൊണ്ടോട്ടി പരതക്കാട് ഇന്ന് വൈകീട്ട് മൂന്ന് മണിക്കാണ് അപകടം നടന്നത്. പരതക്കാട് കുണ്ടില്‍പീടിക അമ്പലപ്പുറവന്‍ അബ്ദുല്‍ നാസറിന്റെ മകള്‍ ഇസാ എസ്‌വിന്‍ ആണ് മരിച്ചത്. വീട്ടില്‍ നിന്നും കുട്ടി അപ്രതീക്ഷിതമായി റോഡിലേക്ക് ഓടിയപ്പോഴാണ് വാഹനം ഇടിച്ചത്.
വീട്ടില്‍ കളിച്ചുകൊണ്ടിരിക്കെ ഒരു മൊബൈല്‍ ഫോണുമെടുത്ത് റോഡിലേക്ക് ഓടുന്നതിനിടെ അപ്രതീക്ഷിതമായി ബൈക്കിന് മുന്നില്‍ പെടുകയായിരുന്നു. റോഡിന് തൊട്ടടുത്തായിരുന്നു കുട്ടിയുടെ വീട്. അപകടത്തില്‍ പെട്ട കുട്ടിയെ പരതക്കാടുള്ള സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല്‍ കോളജിലും എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.
