എം എ സേവ്യര്‍
ഇടവക പള്ളിയില്‍ നിന്നും രാത്രി പൊന്നിന്‍ കുരിശ് മോഷ്ടിക്കാന്‍ കയറുന്ന രണ്ട് ചെറുപ്പക്കാരുടേയും അവര്‍ക്ക നേരിടേണ്ടി വരുന്ന അപ്രതീക്ഷിത സംഭവങ്ങളുടേയും കഥ പറയുന്ന ‘സെബാനെ നിനക്കത് വേണോ’ എന്ന ഹ്രസ്വ ചിത്രം പ്രദര്‍ശനത്തിന് തയ്യാറെടുക്കുന്നു. ഏറെ പുതുമകളുള്ള കഥയും കഥാപാത്രങ്ങളുമാണ് ഇതിലുള്ളത്. സംവിധാന മികവും എടുത്തുപറയേണ്ടത് തന്നെയാണ്. ഒരുകൂട്ടം ചെറുപ്പക്കാരുടെ സ്വപ്നം കൂടിയാണ് ‘സെബാനെ നിനക്കത് വേണോ’ എന്ന ഹ്രസ്വചിത്രം.
ഡിസംബര്‍ 24 വൈകിട്ട് അഞ്ച് മണിക്കാണ് ചിത്രത്തിന്റെ റിലീസ്. MANCHATTI KOTTAKA എന്ന യൂട്യൂബ് ചാനലിലൂടെയാണ് ചിത്രം റിലീസ് ചെയ്യുന്നത്. സ്വാലിഹിന്റേതാണ് കഥ. മഴവില്‍ മനോരമ മിമിക്രി മഹാമേളയിലൂടെ സുപരിചിതനായ സനൂബര്‍ സനുവാണ് സംവിധായകന്‍.
ഈ ഹ്രസ്വചിത്രത്തിന്റെ ക്യാമറ ചെയ്തിരിക്കുന്നത് റാഫിയാണ്. സിദ്ധാര്‍ഥ് ശങ്കര്‍ മ്യൂസിക് ചെയ്തിരിക്കുന്ന ഈ ഷോര്‍ട്ഫിലിമിന്റെ എഡിറ്റര്‍ & അസോസിയേറ്റ് ഡയറക്ടര്‍ ഹരിയാണ്. പോസ്റ്റര്‍ ഡിസൈന്‍ ചെയ്തിരിക്കുന്നത് ശരണ്‍ ആണ്.
