പാലക്കാട്: മുറ്റത്ത് കളിച്ചുകൊണ്ടിരുന്ന മൂന്നുവയസുള്ള കുട്ടിയെ തട്ടിക്കൊണ്ട് പോകാന്‍ ശ്രമം. പാലക്കാട് കഞ്ചിക്കോടാണ് വീട്ടുമുറ്റത്ത് കളിച്ചു കൊണ്ടിരിക്കുകയായിരുന്ന കുഞ്ഞിനെ തട്ടിക്കൊണ്ടു പോകാന്‍ ശ്രമം നടന്നത്. സംഭവത്തില്‍ തമിഴ്‌നാട് സ്വദേശി സെന്തില്‍കുമാര്‍ എന്നയാളാണ് അറസ്റ്റിലായത്.
വീട്ടുമുറ്റത്ത് കളിച്ചു കൊണ്ടിരുന്ന കുട്ടിയെയാണ് ഇയാള്‍ തട്ടിക്കൊണ്ടു പോയത്. കുട്ടിയുമായി പോകുന്നതിനിടെ ചില ഓട്ടോറിക്ഷാ ഡ്രൈവര്‍മാര്‍ക്ക് തോന്നിയ സംശയമാണ് വഴിത്തിരിവായത്. ഡ്രൈവര്‍മാര്‍ സെന്തില്‍കുമാറിനെ ചോദ്യം ചെയ്തു. മറുപടിയില്‍ വ്യക്തതയില്ലാതായതോടെ ഇവര്‍ പൊലീസിനെ വിളിച്ചുവരുത്തി. തുടര്‍ന്ന് ചോദ്യം ചെയ്തപ്പോഴാണ് കുട്ടിയെ തട്ടിക്കൊണ്ടുപോയതാണെന്ന് വ്യക്തമായത്.
