മിയാവാക്കി വനത്തിനരികെ പ്രകൃതി ശില്പമൊരുങ്ങുന്നു

Kozhikode

December 30, 2022December 30, 2022nvadmin107 Comments

നിങ്ങളുടെ വാര്‍ത്തകളും ചിത്രങ്ങളും nattuvarthamanamdaily@gmail.com എന്ന മെയിലില്‍ അയക്കുക. വാട്‌സാപ്പ് ഗ്രൂപ്പില്‍ അംഗമാവുന്നതിന് 8289857951 എന്ന നമ്പറിലേക്ക് പേരും സ്ഥലവും മെസേജ് ചെയ്യുക

കോഴിക്കോട്: മെഡിക്കല്‍ കോളെജ് ലക്ചര്‍ തിയറ്റര്‍ കോംപ്‌ളക്‌സിനരികെ സ്ഥാപിച്ച മിയാവാക്കി സൂക്ഷ്മ വനത്തിന് സമീപം പ്രകൃതി ശില്പത്തിന്റെ നിര്‍മ്മാണ പ്രവൃത്തി തുടങ്ങി. മെഡിക്കല്‍ കോളെജ് പ്രിന്‍സിപ്പല്‍ ഡോ. ഇ വി ഗോപി പ്രവൃത്തി ഉദ്ഘാടനം ചെയ്തു. പ്രമുഖ പരിസ്ഥിതി പ്രവര്‍ത്തകനും ഇന്ദിര പ്രിയദര്‍ശിനി ദേശീയ വൃക്ഷമിത്ര പുരസ്‌കാര ജേതാവുമായ പ്രൊഫ. ടി ശോഭീന്ദ്രന്‍ അധ്യക്ഷനായിരുന്നു. ശില്പി ഗുരു കുലം ബാബു, കെ ജി എം സി ടി എ പ്രസിഡന്റ് ഡോ. അജിത് കുമാര്‍ ടി, ഫാര്‍മക്കോളജി അസിസ്റ്റന്റ് പ്രൊഫസര്‍ ഡോ. ഗോപകുമാര്‍ തേഞ്ചേരി ഇല്ലം, മെഡിക്കല്‍ കോളെജ് കാമ്പസ് ബ്യൂട്ടിഫിക്കേഷന്‍ കമ്മിറ്റി ചെയര്‍മാന്‍ ഡോ. ജയേഷ് കുമാര്‍ പി, നഴ്‌സിംഗ് ഓഫീസര്‍ വി പി സുമതി, എം സരസ്വതി, സീറോ വേസ്റ്റ് കോ ഓര്‍ഡിനേറ്റര്‍ സത്യന്‍ മായനാട്, മിയാവാക്കി വന നിര്‍മ്മാണ വിദഗ്ധന്‍ പി ബാബുദാസ് , ദര്‍ശനം ജോയിന്റ് സെക്രട്ടറി കെ കെ സുകുമാരന്‍, പെരളാന്‍കാവ് ക്ഷേത്ര പരിപാലന സമിതി സെക്രട്ടറി പി ടി സന്തോഷ്‌കുമാര്‍ എന്നിവര്‍ പ്രസംഗിച്ചു. ദര്‍ശനം ഗ്രന്ഥശാല സെക്രട്ടറി എം എ ജോണ്‍സണ്‍ സ്വാഗതം പറഞ്ഞു.

2020 ഡിസമ്പര്‍ 29ന് മേയര്‍ ഡോ.ബീനാ ഫിലിപ്പ് മാവിന്‍ തൈ നട്ടു കൊണ്ട് ഉദ്ഘാടനം നിര്‍വ്വഹിച്ച മിയാവാക്കി സൂക്ഷ്മ വനത്തിലെ പല വൃക്ഷങ്ങളും 20 അടി വരെ പൊക്കം വച്ചിട്ടുണ്ട്. പ്ലാവില്‍ ചക്കയും ഉണ്ടായിക്കഴിഞ്ഞു. സംസ്ഥാന പരിസ്ഥിതി കാലാവസ്ഥ വ്യതിയാന വകുപ്പിന്റെ സാമ്പത്തിക സഹായത്തോടെ മാനാഞ്ചിറ അന്‍സാരി പാര്‍ക്കില്‍ 40 സ്‌ക്വയര്‍ മീറ്റര്‍ സ്ഥലത്ത് ഫലവൃക്ഷങ്ങളുടെ മിയാവാക്കി മാതൃക വനനിര്‍മ്മാണത്തിന് ദര്‍ശനം സാംസ്‌കാരിക വേദിക്ക് കോഴിക്കോട് കോര്‍പറേഷന്‍ കൗണ്‍സില്‍ അനുമതി നല്കിയിട്ടുണ്ട്. ഇപ്പോള്‍ നിര്‍മ്മാണമാരംഭിച്ച പ്രകൃതി ശില്പം രണ്ടു മാസം കൊണ്ട് പൂര്‍ത്തിയാക്കുമെന്ന് ശില്പി ഗുരുകുലം ബാബു പറഞ്ഞു.