സിനിമ വര്ത്തമാനം / പ്രതീഷ് ശേഖര്
ഹാങ്ങ് ഓവര് ഫിലിംസും എ ആന്ഡ് എച്ച് എസ് പ്രൊഡക്ഷനും ചേര്ന്ന് നിര്മ്മിക്കുന്ന ചിത്രം ഹലോ മമ്മിയുടെ ചിത്രീകരണം തൃശൂര് മാളയില് ആരംഭിച്ചു. ചിത്രത്തിന്റെ താരങ്ങളും അണിയറപ്രവര്ത്തകരും വിശിഷ്ടാധിതികളും പൂജ ചടങ്ങില് പങ്കെടുത്തു. ഫാന്റസി കോമഡി ജോണറില് ഒരുങ്ങുന്ന ചിത്രത്തില് ഷറഫുദ്ധീന്, ഐശ്വര്യാ ലക്ഷ്മി എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നു. നിരവധി പരസ്യചിത്രങ്ങളിലൂടെ പ്രശസ്തനായ വൈശാഖ് എലന്സ് സംവിധാനം ചെയ്യുന്ന ആദ്യ ചിത്രമാണ് ഹലോ മമ്മി.
![](https://nattuvarthamanam.com/wp-content/uploads/2024/02/POOJA.png)
ഫാലിമിയുടെ രചന നിര്വഹിച്ച സാന്ജോ ജോസഫ് ആണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ഹിന്ദി ചലച്ചിത്രങ്ങളിലൂടെയും ആസ്പിരന്റ്സ് , ദി ഫാമിലി മാന്,ദി റെയില്വേ മെന് തുടങ്ങിയ വെബ് സീരീസുകളിലൂടെയും ശ്രേദ്ധേയനായ നടന് സണ്ണി ഹിന്ദുജ പ്രധാന വേഷത്തില് അഭിനയിക്കുന്ന ആദ്യ മലയാള ചിത്രമാണ് ഹലോ മമ്മി. അജു വര്ഗീസ്, ജഗദീഷ്, ജോണി ആന്റണി, ബിന്ദു പണിക്കര്, അദ്രി ജോ, ശ്രുതി സുരേഷ്, ഗംഗാ മീരാ, ജോമോന് ജ്യോതിര് എന്നിവര് ഹലോ മമ്മിയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ഹാങ്ങ് ഓവര് ഫിലിംസിന്റെ നിര്മ്മാണത്തിലൊരുങ്ങുന്ന ചിത്രത്തില്, നീലവെളിച്ചം,റിലീസിനൊരുങ്ങുന്ന അഞ്ചക്കള്ളകോക്കാന് എന്നീ ചിത്രങ്ങളുടെ നിര്മ്മാണ പങ്കാളിത്തത്തിനു ശേഷം എ ആന്ഡ് എച്ച്എസ് പ്രൊഡക്ഷന്സ് നിര്മ്മാണത്തില് സഹകരിക്കുന്ന മൂന്നാമത്തെ ചിത്രമാണ് ഹലോ മമ്മി. ജോമിന് മാത്യു, ഐബിന് തോമസ്, രാഹുല്.ഇ.എസ് എന്നിവരാണ് ചിത്രത്തിന്റെ പ്രൊഡ്യൂസേഴ്സ്. സജിന് അലി, നിസാര് ബാബു, ദിപന് പട്ടേല് എന്നിവരാണ് ചിത്രത്തിന്റെ സഹനിര്മ്മാതാക്കള്.
![](https://nattuvarthamanam.com/wp-content/uploads/2024/02/POOJA2.png)
സന്തോഷ് ശിവന്റെ അസ്സോസിയേറ്റ് ആയിരുന്ന പ്രവീണ് കുമാറാണ് ഹലോ മമ്മിയുടെ ഛായാഗ്രഹണം നിര്വഹിക്കുന്നത്. 2018, ആര് ഡി എക്സ് തുടങ്ങിയ ഹിറ്റ് ചിത്രങ്ങളുടെ ചിത്രസംയോജനം നിര്വഹിച്ച ചമന് ചാക്കോയാണ് ചിത്രത്തിന്റെ എഡിറ്റര്. മലയാള സിനിമാ സംഗീത ലോകത്ത് സൂപ്പര് ഹിറ്റ് ഗാനങ്ങള് സമ്മാനിച്ച ജേക്ക്സ് ബിജോയിയാണ് ഹലോ മമ്മിയുടെ സംഗീത സംവിധാനം നിര്വഹിക്കുന്നത്. ചിത്രത്തിന്റെ മറ്റു അണിയറപ്രവര്ത്തകര് ഇവരാണ്. പ്രൊഡക്ഷന് കണ്ട്രോളര് : പ്രശാന്ത് നാരായണന്, ഗാന രചന : മുഹ്സിന് പരാരി, വസ്ത്രാലങ്കാരം : സമീറാ സനീഷ്, മേക്കപ്പ് : റോണക്സ് സേവ്യര്, പ്രൊഡക്ഷന് ഡിസൈന് : സാബു മോഹന്, സൗണ്ട് ഡിസൈന് : സിങ് സിനിമ, ചീഫ് അസ്സോസിയേറ്റ് : വിശാഖ് ആര് വാരിയര്, വി എഫ് എക്സ് : ഹാങ്ങ് ഓവര് വി എഫ് എക്സ്, ഫൈറ്റ് : പി സി സ്റ്റണ്ട്സ്, കൊറിയോഗ്രാഫി : ഷെരീഫ്, സ്റ്റില് : അമല് സി സദര്, ഡിസൈന് : യെല്ലോ ടൂത്ത്.