കരിപ്പൂർ: സ്ത്രീ വിമോചനമെന്നാൽ സ്ത്രീത്യത്തിൻ്റെ മാന്യത വലിച്ചെറിഞ്ഞ് കുത്തഴിഞ്ഞ ലൈംഗികതയിലേക്കും ലിബറൽ ജീവിതത്തിലേക്കും നയിക്കലാണെന്ന ആധ്യനിക സ്ത്രീ വിമോചന സങ്കല്പങ്ങൾ തകർത്തെറിയണമെന്ന് കരിപ്പൂർ വെളിച്ചം നഗറിൽ നടന്ന മുജാഹിദ് വനിതാ മഹാസമ്മേളനം വ്യക്തമാക്കി.
സാമൂഹ്യ ഭദ്രതയുടെ അടിത്തറയായി വർത്തിക്കേണ്ട കുടുംബ സംവിധാനത്തെയും മഹത്തായ വൈവാഹിക ജീവിതത്തെയും ഇല്ലാതാക്കാൻ കോപു കൂട്ടുന്ന മത നിരാസ നവലിബറൽ പ്രസ്ഥാനങ്ങൾക്കെതിരെ സ്ത്രീ സമൂഹം ജാഗ്രത്താവണം.
സ്ത്രീ സമൂഹത്തിന് പൊതു ഇടങ്ങളും ആരാധനാലയങ്ങളിലെ പ്രാർത്ഥനാ സ്വാതന്ത്ര്യവും നിഷേധിക്കുന്ന പൗരോഹിത്യ വാഴ്ച അവസാനിപ്പിക്കണമെന്നും സമ്മേളനം ആവശ്യപ്പെട്ടു.
വിവാഹ മോചിതരും ഭർത്താക്കൻമാർ മരണപ്പെട്ട് അവിവാഹിതരായ വിധവകളും നിരാലംബരുമായ വനിതകളുടെ ക്ഷേമവും പുനരധിവാസവും ലക്ഷ്യം വെച്ച് പഞ്ചായത്ത് തലത്തിൽ വനിതാ വികസന സൊസൈറ്റികൾ രൂപീകരിച്ച് പ്രവർത്തിക്കാൻ നടപടി സ്വീകരിക്കണമെന്ന് സമ്മേളനം സർക്കാറിനോടാവശ്യപ്പെടുന്നു.
സർക്കാറിൻ്റെയും തദ്ദേശ സ്വയംഭരണ സ്ഥാപനങ്ങളുടെയും സഹകരണ സ്ഥാപനങ്ങളുടെയും പങ്കാളിത്തം ഉറപ്പുവരുത്തണം.
പഠനം, വിനോദം, തൊഴിൽ പരിശീലനം, സംരംഭകത്വം തൊഴിൽ തുടങ്ങിയവയല്ലാം അതിൻ്റെ കീഴിലുണ്ടാവണം.
പദ്ധതിക്ക് സർക്കാർ സഹായവും വായ്പയും സബ്സിഡിയും ലഭ്യമാക്കണം.
സംസ്ഥാനത്ത് മദ്യത്തിൻ്റെ ലഭ്യത ക്രമാനു കതയുമായി കുറച്ചു കൊണ്ടു വരാനുള്ള ക്രിയാത്മക നടപടി സ്വീകരിക്കാൻ സർക്കാർ തയ്യാറാവണം
ലഹരി മാഫിയക്കെതിരെ ശക്തമായ നിയമ നടപടികൾ സ്വീകരിക്കണ്ട മെന്ന് ഈ സമ്മേളനം ആവശ്യപ്പെടുന്നു.
വനിത സമ്മേളനം മന്ത്രി ആര്‍ ബിന്ദു ഉദ്ഘാടനം ചെയ്തു. സി എ ഗുല്‍സാര്‍ കരിഷ്മ മാലിക് പറഞ്ഞു.
സി ടി ആയിഷ ടിച്ചര്‍ ആമുഖഭാഷണം നടത്തി. വി സി മറിയക്കുട്ടി സുല്ലമിയ്യ അധ്യക്ഷത വഹിച്ചു. നജീബ എം ടി പുസ്തക പരിചയം നടത്തി. സെറീന ഹസീബ് പുസ്തക പ്രകാശനം നടത്തി. ഡോ ജുബൈരിയ അന്‍വാരിയ്യ പുസ്തകം ഏറ്റുവാങ്ങി. ഷബിന ടീച്ചര്‍ കണ്ണൂര്‍, ടി വി റംഷിദ ടീച്ചര്‍, സജ്‌ന പട്ടേല്‍ത്താഴം, റാഫിദ ഖാലിദ്, സഫൂറ തിരുവണ്ണൂര്‍, സഫല നസീര്‍, ഖദീജ കൊച്ചി, ജുവൈരിയ്യ ഐക്കരപ്പടി, പാത്തൈക്കുട്ടി ടീച്ചര്‍, റസിയബി ടീച്ചര്‍, ഹസനത്ത്, ഫാത്വിമ ചാലിക്കര, അഫീഫ പൂനൂര്‍, ഫാത്വിമ മുഹമ്മദ് തൃശൂര്‍, സുബൈദ കല്ലായി, റുഖിയ ടീച്ചര്‍ പൂനൂര്‍, ശരീഫ ടീച്ചര്‍ ആലപ്പുഴ, ചിന്ന ടീച്ചര്‍, ഫൗസിയ ദുബൈ, സോഫിയ പുളിക്കല്‍, നജ്മ കരുമ്പുലാക്കല്‍, ജമീല അസീസ് കണ്മൂര്‍, ഖമറുന്നിസ ഷാഹുല്‍ കാസര്‍ക്കോട്, സക്കീന വണ്ടൂര്‍, എന്‍ വി മറിയം, ആസ്യ മുണ്ടേങ്ങര, ഡോ റംല, ഫാത്തിമ രണ്ടത്താണി, മറിയം ടീച്ചര്‍ കടവത്തൂര്‍, നെക്‌സി കോട്ടയം, താഹിറ ടീച്ചര്‍ എന്നിവര്‍ സന്നിഹിതരായി.
ഷഹനാ ശെറിന്‍, നിമ ഫാത്വിമ, ഫെല്ല പി, റഷ, ഹിബ എന്നിവര്‍ ഗാനം അവതരിപ്പിച്ചു.
