ആയഞ്ചേരി : ഡിജിറ്റൽ സാക്ഷരതയ്ക്ക് ആയഞ്ചേരി ഗ്രാമ പഞ്ചായത്ത് മംഗലാട് 13-ാം വാർഡിൽ കണ്ണേട്ടന്റെയും നാരായണിയുടെയും സെൽഫിയോടെ തുടക്കമായി. വിവര സാങ്കേതിക രംഗത്ത് വിപ്ലവകരമായ മാറ്റം ആവശ്യപ്പെടുന്ന കാലത്ത് ഒറ്റപ്പെട്ടു പോകാതിരിക്കാനാണ് ഡിജിറ്റൽ സാക്ഷരത നൽകുന്നത്. ഇതിന്റെ ഭാഗമായി ഡിജിറ്റൽ
അറിവുള്ളവർ അറിവില്ലാത്തവരെ പഠിപ്പിക്കുന്ന രീതിയിലാണ് പദ്ധതി രൂപകൽപ്പന ചെയ്തത്.
വാർഡ് മെമ്പർ എ.സുരേന്ദ്രന്റെ നേതൃത്വത്തിൽ വിളിച്ചു ചേർത്ത ഡിജി സഭ മലയിൽ അച്ചുതന്റെ അധ്യക്ഷതയിൽ പനയുള്ളതിൽ അമ്മത് ഹാജി ഉദ്ഘാടനം ചെയ്തു. പറമ്പിൽ ഗവൺമെന്റ് യു.പി ഹെഡ് മാസ്റ്റർ ആക്കായി നാസർ മാസ്റ്റർ പ്രതിജ്ഞ ചൊല്ലിക്കൊടുത്തു അക്കരോൽ അബ്ദുളള, എം.എം. മുഹമ്മദ്, എള്ളോടി പ്രകാശൻ, മാലതി ഒന്തമ്മൽ , ഷൈനി വി , സതി തയ്യിൽ , മോളി പട്ടേരിക്കുനി, രഷില എള്ളോടി തുടങ്ങിയവർ ആശംസകൾ അർപ്പിച്ചു.
