തലശ്ശേരി: പാറാൽ ഡി ഐ യു പി സ്കൂളിന്റെ നാല്പത്തി അഞ്ചാം വാർഷികാഘോഷവും വിദ്യാർത്ഥികൾ രചിച്ച “ഓർമ്മച്ചെപ്പ്” പുസ്തകത്തിൻറെ പ്രകാശനവും നടത്തി. പ്രമുഖ സിനിമ പിന്നണി ഗായകൻ മുസ്തഫ മാസ്റ്റർ വാർഷികാഘോഷം ഉദ്ഘാടനം ചെയ്തു. തലശ്ശേരി താലൂക്ക് ലൈബ്രറി കൗൺസിൽ പ്രസിഡൻറ് സനീഷ് പുസ്തകം പ്രകാശനം ചെയ്തു. സ്ക്കൂൾ ലൈബ്രേറിയൻ എടക്കുടി യൂനുസ് പുസ്തകം ഏറ്റുവാങ്ങി. മദർ പി ടി എ പ്രസിഡണ്ട് സലീല ബഷീർ അധ്യക്ഷത വഹിച്ചു.
പാറൽ ദാറുൽ ഇർഷാദ് അറബിക് കോളേജ് മാനേജർ എംപി അഹമ്മദ് ബഷീർ വിദ്യാർത്ഥികൾക്കുള്ള ഉപഹാരം വിതരണം ചെയ്തു. എ സി മുഹമ്മദ് റാഫി വാർഷിക റിപ്പോർട്ട് അവതരിപ്പിച്ചു. പ്രധാന അധ്യാപിക എം പി അമീറ, കോടിയേരി വായനശാല സെക്രട്ടറി പി പി പ്രേമൻ, മാനേജ്മെൻ്റ് കമ്മിറ്റി സെക്രട്ടറി റമീസ് പാറാൽ, മാനേജ്മെൻറ് കമ്മിറ്റി അംഗം സി എ അബൂബക്കർ, മുൻ പ്രധാനാധ്യാപകൻ കെ കെ മണിലാൽ, സെൻസായി വിനോദ് കുമാർ, സ്ക്കൂൾ ഫുട്ബാൾ കോച്ച് ധർമ്മജൻ, സ്കൂൾ ലീഡർ അജ്സൽ എന്നിവർ പ്രസംഗിച്ചു. വിദ്യാർത്ഥികൾ വിവിധ കലാപരിപാടികൾ അവതരിപ്പിച്ചു.
