കൊടിയത്തൂർ: സമൂഹത്തിൽ കഷ്ടത അനുഭവിക്കുന്നവർക്കും സാമ്പത്തികമായി പിന്നോക്കം നിൽക്കുന്നവർക്കുമായി നോമ്പുതുറ വിഭവങ്ങളടങ്ങിയ ഐ.എസ്.എം കോഴിക്കോട് സൗത്ത് ജില്ല ഈലാഫ് കിറ്റുകളുടെ ഉദ്ഘാടനം കൊടിയത്തൂരിൽ ഹാഫിസ് റഹ്‌മാൻ മദനി നിർവ്വഹിച്ചു. ജില്ലയുടെ വിവിധ ഭാഗങ്ങളിൽ റമദാൻ കിറ്റുകളുടെ വിതരണത്തിന് ഐ. എസ്.എം ജില്ലാ ഭാരവാഹികളായ നൗഷാദ് കൊടിയത്തൂർ, ഹർഷദ് ഖാൻ, ജുനൈദ് സലഫി, ശജീർഖാൻ, മുജീബ് പൊറ്റമ്മൽ, അഹ്മദ് റഊഫ്, അഫ്‌സൽ പട്ടേൽത്താഴം, ജുനൈസ് സ്വലാഹി, ഫസൽ മുക്കം, അബ്ദുൽ ഖാദർ നരിക്കുനി,ഫിറോസ് പുത്തൂർമഠം,ഫവാസ് സിറ്റി എന്നിവർ നേതൃത്വം നൽകി.
