അടൂര്‍: പ്രായപൂര്‍ത്തിയകാത്ത പെണ്‍കുട്ടിയെ അമ്മയുടെ കണ്‍മുമ്പില്‍ നിന്ന് കടത്തിക്കൊണ്ടു പീഡിപ്പിച്ച കേസില്‍ 22കാരന്‍ അറസ്റ്റില്‍. കൊല്ലം മുളവന ബിജുഭവനില്‍ ബി.എസ്.സിദ്ധാര്‍ഥിനെ (ശ്രീക്കുട്ടന്‍-22) ആണ് അടൂര്‍ പൊലീസ് അറസ്റ്റുചെയ്തത്. മാര്‍ച്ച് 28-ന് വൈകീട്ട് അമ്മയോടൊപ്പം അടൂര്‍ ടൗണില്‍ കൂടി നടന്നുവരുന്നതിനിടെ പെണ്‍കുട്ടിയെ യുവാവ് കടത്തിക്കൊണ്ടു പോകുകയായിരുന്നു.
സുഹൃത്തിന്റെ വീട്ടിലേക്കാണ് പെണ്‍കുട്ടിയും കൊണ്ട് യുവാവ് പോയത്. അവിടെ വെച്ചായിരുന്നു പീഡനം നടന്നത്. പെണ്‍കുട്ടിയുമായി പ്രതിക്ക് മുന്‍പരിചയം ഉണ്ടായിരുന്നു. പെണ്‍കുട്ടിയുടെ അമ്മ അടൂര്‍ പോലീസില്‍ നല്‍കിയ പരാതിയിലാണ് അറസ്റ്റ്.
