കല്പറ്റ: ദേശീയ കര്‍ഷക തൊഴിലാളി ഫെഡറേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ അയ്യങ്കാളി അനുസ്മരണവും ജില്ലാ പ്രവര്‍ത്തക കണ്‍വെന്‍ഷനും നടത്തി. സംസ്ഥാന ജനറല്‍ സെക്രട്ടറി പി സി രാധാകൃഷ്ണന്‍ കണ്‍വെന്‍ഷന്‍ ഉദ്ഘാടനം ചെയ്തു. ജില്ലാ പ്രസിഡന്റ് എക്കണ്ടി മൊയ്തു അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി സുന്ദര്‍രാജ് എടപ്പെട്ടി മുഖ്യപ്രഭാഷണം നടത്തി.
ഗാന്ധി ദര്‍ശന്‍ വേദി ജില്ലാ പ്രസിഡന്റ് എബ്രഹാം മാസ്റ്റര്‍ അയ്യങ്കാളി അനുസ്മരണം നടത്തി. സെബാസ്റ്റ്യന്‍ വെള്ളാക്കുഴി, സി ഡി തങ്കച്ചന്‍, മത്തച്ചന്‍ ടി ജെ, പി കെ കുഞ്ഞമ്മദ്, ജോസ്, ഷേര്‍ളി ജോസ്, ബിന്ദു വെങ്ങപ്പള്ളി, വി ടി ബേബി, എ രാം കുമാര്‍, മാത്യു ഉണ്ണിപ്പള്ളി എന്നിവര്‍ പ്രസംഗിച്ചു.
