കോഴിക്കോട്: പിക്കപ്പ് കടയിലേക്ക് ഇടിച്ചുകയറി രണ്ടുപേര്‍ മരിച്ചു. കൂടരഞ്ഞി കുളിരാമുട്ടി സ്വദേശികളായ സുന്ദരന്‍ പുളിക്കുന്നത്ത് (62), ജോണ്‍ കമുങ്ങുംതോട്ടില്‍ (65) എന്നിവരാണ് മരിച്ചത്. ഇവര്‍ കടവരാന്തയില്‍ ഇരിക്കവെയാണ് അപകടമുണ്ടായത്. മൂന്നുപേര്‍ക്ക് പരിക്കേറ്റിട്ടുണ്ട്.
ഇന്ന് രാവിലെയാണ് അപകടമുണ്ടായത്. പൂവാറന്‍തോടില്‍ നിന്നും ഇറക്കം ഇറങ്ങി വരുന്നതിനിടെയാണ് പിക്കപ്പ് നിയന്ത്രണം വിട്ട് കടയിലേക്ക് ഇടിച്ചുകയറിയത്. കടയുടമ ജോമോന്‍, പിക്കപ്പ് ഡ്രൈവര്‍ മുഹമ്മദ് റിയാസ്, ശിഹാബുദ്ദീന്‍ തേക്കുംകുറ്റി എന്നിവര്‍ക്കാണ് പരിക്കേറ്റത്.
