കോഴിക്കോട്: കേരള ഗവ. പ്രൈമറി സ്ക്കൂൾ ഹെഡ്മാസ്റ്റേർസ് അസോസിയേഷൻ സംഘടിപ്പിക്കുന്ന പ്രഥമാധ്യാപക കൺവൻഷൻ നാളെ ജൂൺ 26 ബുധൻ 3.30 PM ന് കൊടുവള്ളി ഗവ: എൽ.പി. സ്കൂളിൽ നടക്കും. സർക്കാർ പ്രൈമറി വിദ്യാഭ്യാസ മേഖലയിലെ ഒട്ടനവധി പ്രശ്നങ്ങൾ ചർച്ചക്കെടുത്ത് പരിഹാരം സാധ്യമാക്കാൻ ആവശ്യമായ ഇടപെടലുകൾക്ക് കൺവൻഷൻ രൂപം നൽകും. സർക്കാർ പ്രൈമറി അധ്യാപകരുടെ ഭരണപരമായ ശാക്തീകരണത്തിന് ആവശ്യമായ പരിശീലന പരിപാടികൾ ആസൂത്രണം ചെയ്യും.
പുതുതായി നിയമിതരായ പ്രഥമാധ്യാപകരുടെ തൊഴിൽ മികവിന് ആവശ്യമായ വിവിധ പദ്ധതികൾക്കും കൺവെൻഷൻ രൂപം നൽകും. വൈകുന്നേരം 3.30 ന് സംസ്ഥാന സെക്രട്ടറി ആർ. ശ്രീജിത്ത് കൺവെൻഷൻ ഉദ്ഘാടനം ചെയ്യും. കൺവൻഷൻ വിജയിപ്പിക്കാൻ കെ.ജി.പി.എസ് എച്ച് എ ജില്ലാ പ്രസിഡണ്ട് ശുക്കൂർ കോണിക്കൽ , സെക്രട്ടറി സാജന ജി നായർ എന്നിവർ അഭ്യർത്ഥിച്ചു.
