പെരിക്കല്ലൂർ: ഗവ.ഹയർ സെക്കണ്ടറി സ്കൂളിലെ സാഹിത്യ കൂട്ടായ്മയായ സാഹിത്യവേദിയുടെ ആഭിമുഖ്യത്തിൽ കുട്ടികളും അധ്യാപകരും ചേർന്ന് പുസ്തക കൈമാറ്റം നടത്തി. കുട്ടികളിൽ വായനയുടെ ആവശ്യകത വർദ്ധിപ്പിക്കുന്നതിനു വേണ്ടിയാണ് ഇത്തരമൊരു പ്രവർത്തനം സാഹിത്യവേദി സംഘടിപ്പിച്ചത്. എൽ.പി,.യു.പി., എച്ച്.എസ് വിഭാഗത്തളിലായി 122 കുട്ടികളും 23 അധ്യാപകരും പുസ്തകങ്ങൾ പരസ്പരം കൈമാറി വായന എന്ന സാംസ്കാരിക പ്രവർത്തനത്തിന്റെ ഭാഗമായി മാറി.
പുസ്തക കൈമാറ്റത്തിന്റെ ഉദ്ഘാടനം കവിയും സബ് ഇൻസ്പെകടറുമായ ദാമോദരൻ ചീക്കല്ലൂർ നിർവ്വഹിച്ചു. പി.ടി.എ.പ്രസിഡന്റ് ഗിരീഷ് കുമാർ ജി.ജി. അധ്യക്ഷത വഹിച്ചു. പ്രധാനാധ്യാപകൻ ഷാജി പുൽപ്പള്ളി, സീനിയർ അസിസ്റ്റന്റ് ഷാജി മാത്യു, എസ്.എം.സി ചെയർമാൻ ഷിജു കൊച്ചുപുരയിൽ, സാഹിത്യവേദി കൺവീനർ ഷാന്റി ഇ.കെ, ജയിംസ് ഇ. ഡി, ഷറഫുദ്ദീൻ പി, ശുഭാവതി കെ.സി, ഷിനോ എ.പി, ബീന എം.ബി, റസിയ എ.ജി ദിവ്യ വി.എസ് എന്നിവർ ആശംസ അർപ്പിച്ച് സംസാരിച്ചു. സിജ എൽദോസ്, ഷിജിന പി.ആർ, നീതു വി.പ്രതാപൻ, രമ്യ എ. ആർ, ജിനുമോൾ പി.എസ്, നീതു കെ.എസ്, അനിത മോഹനൻ എന്നിവർ നേതൃത്വം നൽകി.
